Aurten ere kalera atera behar gara lanaldi bikoitz eta hirukoitzak, indarkeria matxista, soldata-arrakala, zoru itsaskorrak, patriarkatua, egiturazko desberdintasuna eta gizarte- eta lan-prekarietatea salatzeko.
Amorruz eta minez salatzen dugu aurten gure lurraldean gertatutako lehen hilketa matxista. Mobilizazioetan parte hartzera deitzen dugu. Tatianaren senideei gure elkartasun eta babes osoa adierazten diegu. Ez zaudete bakarrik.
Emakumeek lan-arloan eta pentsiodunen egoerara iristen garenean jasaten dugun desberdintasun-egoera salatzen dugu eta aldaketa kultural, ideologiko eta politikoa eskatzen dugu.
Azaroaren 25etan erakundeek indarkeria matxista gaitzesten dute, baina benetako erantzuna beti bera da: murrizketak eta pribatizazioak. Indarkeriari ez zaio diskurtsoekin aurre egiten, benetako baliabide publiko eta politikoekin baizik.
'Herrien burujabetza eta bizitza duina. Gerra eta kapitalismoaren kontra!' aldarrikatzeko, maiatzaren 9an eta 10ean Euskal Herrian egingo diren mobilizazioetan parte hartzera animatzen ditugu emakumeak.
Ostegun honetan, martxoak 6, kalera irtengo gara zaintza-sistema publiko bat eskatzeko eta zainketen sektore pribatizatuan lan egiten dutenen lan-baldintzak eta bizi-baldintzak hobetzeko.
Zaintza publiko eta komunitarioko sistema baten aldeko apustua egiten dugu, bizitzak erdigunean jarriko dituena. Premiazko neurriak negoziazio kolektibora eramateko konpromisoa hartzen dugu.
ESK-k gida bat egin du, genero-indarkeriaren eta/edo sexu-indarkeriaren biktima diren emakumeen lan-eskubideak jasotzen dituena. Ez dira gustatuko litzaizkigukeen eskubide guztiak, baina garrantzitsua da eskubide horiek badirela jakitea, ezagutzea eta aplikatzea. Azaroaren 25ean Euskal Herriko Mugimendu Feministak antolatutako mobilizazioetan parte hartzera deitzen dugu.
Bestalde, zaintza sistema publiko eta komunitarioa aldarrikatzeko arratsaldeko manifestazioetan parte hartzea eskatzen diogu Euskal Herritar orori. Denon bizitzaz ari gara greba honetan, denon bizitzak zaintzeaz. Pertsona guztiontzako zaintza eskubide kolektiboa bermatuko duen herri batean bizi nahi dugulako.
Egun osoko mobilizazioetara batzeko deia zabaltzen dugu, zaintza zerbitzuen pribatizazioa salatu, zaintza langileen egoera kolapsatuekiko ardura exijitu, sistema publikoaren alde egin eta zaintza eskubide kolektiboa aldarrikatzeko.
Ametsak borrokatuz!
