Zorionak eman nahi dizkiegu langile guztiei, iazko urte amaieratik akordio hau lortzeko etenik gabe borrokan aritu direlako. Akordio honek hobekuntza garrantzitsuak jasotzen baditu ere, ez du aurrerapauso esanguratsurik ematen sektore publikoarekiko parekatzean.

« Eduki hauek  sektoreko langile guztien  borrokari esker lortu dira »

 

• ESK-ren balorazioa
• ESK eta LAB sindikatuen balorazio bateratua

 

Gaur, Arabako Esku-hartze Sozialeko Hitzarmena negoziatzeko 20. bilera egin da. Bilera horretan, ELAk eta CCOOk AISA patronalarekin aurreakordioa lortzeko baldintzak adostu dituzte.

Aurreakordioa albiste ona da sektorearentzat, eta edukiek hitzarmen on bat osatuko dituzte, zalantzarik gabe, baina ez sektore publikoko lankideekin lan-baldintzak ekiparatzeko bide sendoa egingo duen hitzarmen bat.

 

Borrokari esker, abenduko proposamena hobetu da

Abenduan, patronala aurreakordio bat ixten saiatu zen. Aurreakordio horrek AISAko kide diren enpresetako langileen soldatak 2025 eta 2026rako KPIaren arabera igotzea baino ez zuen jasotzen, eta gainerako gaiak negoziatzeko utzi nahi zituen etorkizunerako, sektorea desaktibatzen saiatuz.

Maniobra horren aurrean, sektorearen erantzuna bikaina izan da: 6 greba egun, lanuzte bat eta mobilizazio ugari patronala eta instituzioak presionatzeko, gaur patronalak mahai gainean jarri dituen baldintzak lortu arte.

ESK-n argi daukagu eduki horietara iristea zuen lan-baldintzak hobetzea eta ekiparatzea bezalako aldarrikapen justu eta bideragarria defendatu duzuen sektoreko langile guztien borrokaren emaitza izan dela.

 

ESK eta LAB mobilizazioak sustatzen

Baina, era berean, argi daukagu borroka ezin izango zela garatu ESKren eta LABen inplikazio, ekimen eta konbentzimendurik gabe, bi sindikatuen arteko ekintza-batasunetik borroka dinamizatu baitugu patronalak, instituzioek eta, askotan, aurreakordioa sinatu duten sindikatuek jarri dizkiguten zailtasun guztiak gaindituz.

Ez dugu amore egin etsipenean erortzeko ahaleginei, eta beti sinetsi dugu gure aldarrikapenen justizian, eta garaia dela behingoz zaintza-sistema publiko bat lortzeko, 2023ko Greba Feminista Orokorrera eraman gintuen borrokarekin jarraituz, eta ondoren Euskal Herriko mugimendu feministarekin eta gizarte-eragile askorekin lortutako gizarte-akordioarekin jarraituz, zeinak lehentasunezkotzat hartzen duen azpikontratatutako zaintza-sektoreetako lan-baldintzak sektore publikoak zuzenean kontratatutakoekin ekiparazioa.

Badakigu ibilbide luzeko borroka bat dela, eta negoziazio hau hasiera baino ez dela. Gaur egun, inork ez du ukatzen ekiparazioaren aldarrikapenaren justizia, eta indar eta babes gehiago lortu behar dugu patronalak eta EAJ eta PSEren gobernuek, PPren babesarekin, jartzen duten harresia apurtzeko, ekiparazioa posible izan ez dadin. Aldiz, EH Bilduk eta Elkarrekin Podemosek erabateko babesa eman diete sektorearen aldarrikapenei negoziazioaren hasieratik, sektorea Zeledonen jaitsieran balkoian egotera gonbidatuz azken ekimen gisa.

 

 

Parekatzean aurrerapen eskasa

Gaur lortutako aurreakordioak ez du behar bezala aurrera egiten sektoreak borroka horretan duen aldarrikapen nagusian, hau da, 4. taldearen soldata-ekiparazioan. Izan ere, urtean 766,34€-tan murriztuko da arrakala bakarrik, eta urtean 6.402,15€-tan geratuko da. Aurrerapena, argi eta garbi, ez da nahikoa.

Gainera, portzentajezko igoera, 4. eta 5. taldeei 2028an osagarri minimoarekin (hilean 10 eta 30 euro, hurrenez hurren) lortzen du hitzarmenaren barruan taldeen arteko aldea handitzen jarraitzea, modu onartezinean; zehazki, 1. eta 5. taldeen arteko aldea 1.854,54€-tan handituko da urtean hitzarmenaren indarraldian, eta sektorearen gehiengoaren iritziaren kontra, igoera lineal baten alde egiten zuelako, talde guztientzat igoera berdina defendatzen, bizitzaren kostua berdin handitzen baita psikologo eta garbitzaile batentzat, eta, gizarte-desberdintasunen aurka lan egiten duen sektore batean, gure ustez, ez da onargarria lanbide-kategoria berdinei beti arrakalak handitzen jarraitzea.

 

ESK tinko

Eduki asko ez dira negoziazio honetan lortu, hasiera-hasieratik autoritario, arramarro, xantaiagile eta baztertzaile agertu den patronalaren borondate faltagatik. Patronalaren lehen kezka ESK mahaitik botatzea izan zen, sektoreko ordezkarien %10era ez iristeagatik, eta, gaur, argi eta garbi esan dezakegu ez dutela lortu ESK sektoretik ezabatzea, sindikatuak gatazkan izan duen protagonismoa eta lidergoa erabatekoa izan delako, gaur egun %10eko ordezkaritza gainditzen dugulako eta ez gaituztelako bistatik galdu. Hemen jarraitzen dugu, inoiz baino indar eta energia gehiagorekin, esku-hartze sozialeko langileak eta gizarte-zerbitzuak defendatzen jarraitzeko.

Izan ere, zalantzarik gabe, gure erantzukizuna, arduradun politikoei zuzenean gatazkari irtenbidea bilatzeko eskatu diegunean, funtsezkoa izan da gaur aurreakordio bat sinatu ahal izateko.

 

Etorkizuneko ekintza bateratua

Gainerako sindikatuek negoziazioan gure parte hartzea babestu dute, baina, zalantzarik gabe, LABek patronalaren betoari emandako erantzuna eskertu behar dugu, negoziazio-mahaian ESK-ko ordezkariak izendatuz eta benetako lan-harreman partekatua mantenduz negoziazioaren hasieratik gaur arte. Zalantzarik gabe, mantendu dugun ekintza-batasuna albiste ona da sektorearentzat, eta nahiko genuke ELAk eta CCOOk negoziazio honetan falta izan zaien irmotasunarekin defendatzea sektoreak merezi duen ekiparazioa eta ekintza-batasun hori zabaltzea, etorkizunean helburua lortzeko.

Ostiralean beste bilera bat dago deituta aurreakordioaren termino zehatzak ixteko eta balorazio zabalagoa egingo dugu. Oraingoz, zoriondu behar dizkizuegu gaur adostu diren lan-hobekuntzak lortu dituzuenoi, joan den urtearen amaieratik hona atsedenik gabe borrokatu zaretenoi, gaur lortutako akordiora iristeko.

Zorionak guztioi!

ESK

 

---

 

ESK eta LAB sindikatuen balorazio bateratua

 

Gaur, 2026ko uztailaren 31n, ELAk eta CCOOK AISArekin sinatu dute irailean Arabako Eskuhartze Sozialeko IV. Hitzarmenaren testu osoa bihurtuko den aurreakordioa. LAB sindikatutik negoziazio mahaira joan gara dokumentua berrikustera, gure asmoa sinatuko zena zehatz-mehatz jakitea baitzen. Izan ere, bileran adierazi dugu, datozen asteetan egitura osoarekin kontrastatu eta sakoneko azterketa lasaia egin ondoren, testu osoa sinatuko dugun ala ez erabakiko dugula. Hala ere, ELA sindikatuaren eskariz eta patronalaren adostasunarekin, bilera uztera gonbidatu gaituzte, uste zutelako testuaren sinatzaileek bakarrik parte hartu behar zutela honen idazketan.

Gaur goizean, bilera hasi baino lehen, pasa den asteazkenean jakinarazi zen bezala, negoziazio mahaiko gainerako sindikatuen erabakia ez zen behin betikoa, oinarriekin kontrastatu zelako. Hala ere, LAB gelatik ateratzera gonbidatu ondoren, ELAk eta CCOOk aurreakordioa sinatzen zutela berretsi dute, eta horrekin batera, sektoreari administrazio publikoko langileekin parekatzeko borrokan jarraitzeko tarterik ez uzteko erabakia berretsi dute.

Ondorioz, esan dezakegu bide hau etengabeko bazterketek markatu dutela: ESK mahaitik botatzen hasiz, eta gaur LAB mahaitik irtzera gonbidatuz amaituz. Ate itxiz sinatu dute, bidegabekeriak salatuko zituen inongo lekukorik gabe, sektore pribatuaren eta publikoaren arteko arrakala betiko betikotzen duen akordioa.

LABek eta ESKk uste dugu lortutako edukiak ez direla nahikoak ekiparazioaren alde irmo egiteko eta dagoen arrakala murrizteko, Gainera ulertzen dugu egindako kontsultetan sektoreak lehentasunezkoak diren hainbat eduki ez direla aurreakordioan jaso. Berri tristea da, sindikatu sinatzaileek sektorearen zati handi batek indartsuz defendatutako aldarrikapenarekiko duten konpromiso eskasa erakusten duelako.

Zentzu horretan, beste behin ere, sektoreko langileen sen ona balioetsi nahi dugu eta hilabete hauetan egindako lan bikaina zoriondu, borrokak fruituak ematen dituela eta administrazio publikoarekin parekatzea bideragarria, justua eta posible dela erakutsiz. Hau hasiera baino ez da izan!

Azkenik, esan behar dugu negoziazio mahaiak datorren urriaren 1ean bilduko dela testu osoa sinatzeko. Gure aldetik, eduki zein negoziazio prozesuaren azterketa sakon, lasai eta zabalagoa egingo dugu, eta irailean zehar sektorea asanblada batera deitzearekin batera plazaratuko dugu. Bide batez, ondo izan udaran!

Sinatutako aurreakordioaren edukien azterketa eta laburpena uzten dizuegu.

 

1. Oinarrizko Soldata eta Soldata Igoera.

2024	% 2025	2025	% 2026	2026	% 2027	2027	% 2028	2028	Aparteko ordainzaria 2028	Guztira igoera 2025-2028
36.108,02	%3,6	37.407,91	%2,9	38.492,74	%4,5	40.224,91	%5	42.236,16		6.128,14
31.886,49	%3,6	33.034,40	%2,9	33.992,40	%4,5	35.522,06	%5	37.298,16		5.411,67
28.697,85	%3,6	29.730,97	%2,9	30.593,17	%4,5	31.969,86	%5	33.568,36		4.870,51
26.146,92	%3,6	27.088,21	%2,9	27.873,77	%4,5	29.128,09	%5	30.724,49	140€	4.577,57
22.706,06	%3,6	23.523,48	%2,9	24.205,66	%4,5	25.294,91	%5	26.979,66	420€	4.273,60

 

2. Laugarren taldearen soldata-arrakala murrizteko helburua.

4. TALDEA ETA GOFEreN ARTEKO SOLDATA ARRAKALA
Taldea	2024 soldata	Soldata 2024 GOFE	Ekiparazio % 2024	Soldata 2028	Soldata 2028 GOFE	Ekiparazioa % 2028
4 taldea	26.146,92	33.315,41	78,48%	30.724,49	37.126,64	82,76%

Hasierako arrakala 4. Taldekoa: 7.168,49€

Bukaerako arrakala 4. Taldekoa: 6.402,15€

Gure irakurketa argia da: negoziazio osoan zehar, ELAren proposamenek alde batera utzi dute elkarrekin helburu nagusi gisa ezarri genuen 4. taldearen ekiparazioa, eta negoziazioaren itxierak ez du kontuan hartu aldarrikapen hori. LAB eta ESK kontziente ginen arrakala osorik ixteko zailtasunetaz, eta hamarnaka proposamen egin ditugu arrakala hori modu esanguratsuan laburtuko luketen gutxieneko batzuetara iristeko. ELAk eta CCOOk erabaki dute aldarrikapen hori ez zela zentrala.

 

3. Plusak

Plusak	2024	% 2025	Salario 2025	% 2026	Salario 2026	% 2027	Salario 2027	% 2028	Salario 2028	Subida total 2025-2028
Gau- lana Txanda-lana Jaurdunaldi berezia (€/urtea)	2.530,66	%3,6	2.621,76	%2,9	2.697,79	%4,5	2.819,20	%5	2.960,16	429,50
Antzinatasuna (€/hilea)	22	%3,6	22,79	%2,9	23,45	%4,5	24,51	%5	25,73	3,73
Igande eta jaiegunak (€/ordu)	4,37	%3,6	4,53	%2,9	4,66	%4,5	4,87	%5	5,11	0,74
Berezko esanahia duten jaiegunak (€/ordu)	4,89	%3,6	5,07	%2,9	5,21	%4,5	5,45	%5	5,72	0,83
Kilometraia (€/km)	0,35	%13	0,40	0,00%	0,40	0,00%	0,40	%0	0,40	0,05

 

Plusak soldata-igoeraren ehunekuen arabera eguneratzen dira, kilometrajea izan ezik; izan ere, 0,35 euro/km izatetik 0,40 euro/km izatera igoko da.

Eutsi egiten zaio igandeetako plusen eta txandakatasun- edo lanaldi-bereziaren plusen arteko bateraezintasunari, eta ez da hobetzen antzinatasunaren plusaren zenbatekoa, ezta igande eta jaiegunena edo berezia duten jaiegunena ere, nabarmenki, sektoreak negoziazioaren hasieratik eskatu zuen bezala.

Halaber, ez da bermatzen lanaldi partziala duten pertsonek plusen zenbatekoaren % 100 kobratuko dutenik, eskaera hori babesten duten epai judizialak eta patronaleko enpresak jada aplikatzen ari direla kontuan hartu gabe.

 

4. Ardura plusak

Eremua	2024	% 2025	2025	% 2026	2026	% 2027	2027	% 2028	2028	Guztira 2025-2028
1. Eremuko gutxienekoa	2.275,11	%3,6	2.357,01	2,90%	2.425,37	%4,5	2.534,51	%5	2.661,23	386,12
2. Eremuko gutxienekoa	4.456,73	%3,6	4.617,17	2,90%	4.751,07	%4,5	4.964,87	%5	5.213,11	756,38
3. Eremuko gutxienekoa	6.950,00	%3,6	7.200,20	2,90%	7.409,01	%4,5	7.742,41	%5	8.129,53	1.179,53
4. Eremuko gutxienekoa	8.851,12	%3,6	9.169,76	2,90%	9.435,68	%4,5	9.860,29	%5	10.353,30	1.502,18
5. Eremuko gutxienekoa	11.121,96	%3,6	11.522,35	2,90%	11.856,50	%4,5	12.390,04	%5	13.009,54	1.887,58
5. Eremuko gehienekoa	14.647,99	3,60%	15.175,32	2,90%	15.615,40	4,50%	16.318,09	5,00%	17.134,00	2.486,01

Erantzukizun-plusari dagokionez, patronalak bai onartu du artikuluak aipatzen duen bolumen ekonomikoaren definizio hobea, konpentsazio-tarte minimoak kontuan hartzeko. Ikusten duzuenez, soldata-igoera linealak egiteko ez dute borondaterik; nahiago dute ehuneko-igoerak aplikatu, eta horiek urtean 17.134 euroraino iristen dira sektoreko erantzukizun-plus handienetan; patronalak argi du noren alde negoziatzen duen.

 

5. Lanaldia eta oporrak

	2024	2025	2026	2027	2028	Resumen
Urteko gehigizko jardunaldia	1608 horas	1608 horas	1602 horas	1596 horas	1592 horas	16 orduko jardunaldi murrizketa
Oporrak	28 días laborables o 40 naturales	28 días laborables o 40 naturales	28 días laborables o 40 naturales	28 días laborables o 40 naturales	29 días laborables o 41 naturales	Aumento de un día laborable o natural
Gai pertsonaletarako egun	0	0	0	1	2	gai pertsonaletarqako 2 egun
60 urte baino gehiagoendako jardunaldi murrizketa	0	0	0	Baldintzen arabera aplikagarria	Baldintzen arabera aplikagarria	60 urtetik gorakoentzat eta urtebeteko edo gehiagoko (edo 10 urteko edo gehiagoko) antzinatasuna dutenentzat, urteko 7 orduko murrizketa hirurteko bakoitzeko (gehienez 5 hirurteko / 35 ordu)
Gaueko langileendako jardunaldi murrizketa.	0	0	0	Baldintzen arabera aplikagarria	Baldintzen arabera aplikagarria	Gaueko lanpostuetan 9 urteko edo gehiagoko antzinatasuna duten 55 urtetik gorakoentzat, urteko 7 orduko murrizketa hirurteko bakoitzeko (gehienez 5 hirurteko / 35 ordu)

 
Atal honetan, LABek eta ESKk gure oniritzia eman genien lortutako hobekuntzei, uste dugulako garrantzi handiko hobekuntzak daudela lanaldiari eta oporrei buruzko gai guztietan.

 

6. Gaixotasun arruntengatiko baja-egoeretatik babestea

Patronalak baja-egoeretan babesa murrizteko hainbat saiakera egin ondoren, gai hori nabarmen hobetzea lortu da; hala, gaixotasun arruntagatik baja hartutako egoeretan % 75etik % 90era igaro da babesa lehen 20 egunetan (horietan gaur egun % 100era doazen salbuespenei eutsita), eta baja-egoera amaitu arte % 100ari eustea lortu da.

LABek eta ESKk oso urrats garrantzitsutzat jotzen dugu lorpen hori, babesa benetako parekatzera asko hurbiltzen baitu; hurrengo hitzarmenean ez da aitzakiarik egongo inork soldatarik ez galtzeko gaixo egoteagatik.

 

7. Bizitza pertsonal, familiar eta lanekoa bateratzeko neurriak

• Berariazko lizentzia ordainduak:
  • Araudi-aldaketak hitzarmenera ekartzea.
  • Heriotza: 5 lan egun ezkontidea, izatezko bikotea edo lehen graduko senideak direnean; 3 egun laborable bigarren graduko senideentzat.
  • Lotura-grama (edo lotura afektiboa): Egun laborable banatuen baimena, gehienez urteko 2 egun laborablekoa, esangura afektibo handiko pertsona bat zaintzeko (aldez aurretik idatziz izendatuta eta 6 hilabete igaro ondoren baliozkotasuna duena).
    
    
• Ordaindu gabeko lizentziak:
  • Urtean gehienez 30 eguneko soldatarik gabeko baimena eskatzeko eskatzen den antzinatasuna 9 hilabetera murrizten da.
    
    
• Ordutegi-malgutasuneko akordioak:
  • Entitate bakoitzak, langileen ordezkarien (LR0 / RLPT) parte-hartzearekin, sarreran eta irteeran marjin malguak aplikatzea posible den postuak eta zentroak ezarriko ditu.
    
    
• Jaiotza, adopzioa eta harrera:
  • Kontratuaren etenaldia 20 astera handitzen da (eta 33 astera guraso bakarreko kasuetan).

 

8. Gainerako gaiak

• Ordezpenak: Zerbitzu mota ezberdinetan absentzien estalduraren gutxieneko erregulazioa.
  
  
• Segurtasuna eta Osasuna: Arrisku psikosocialak barneratzea, erasoen prebentzioa bikotean esku hartzeko betebeharrarekin babes bereziko kasuetarako, eta haurdunaldirako, edoskitzarorako eta jazarpenerako berariazko aurreikuspenak.
  
  
• Erretiroa eta Gaueko lana: Lanaldi-murrizketa 60 urtetik gorakoentzat (35 orduraino) eta 55 urtetik gorako gaueko langileentzat.
  
  
• Berdintasun Planak: Berdintasun-neurriei buruzko berariazko erregulazioa berdintasun-planak egiteko legeagatik behartuta ez dauden erakundeentzat, eta planak estatu mailan negoziatzen dituzten erakundeen lurraldeko egokitzapena.
  
  
• LGTBI+ protokoloak: Araudia barneratzea eta LGTBI+ pertsonentzako diskriminaziorik ez egiteko eta eskubideak bermatzeko protokoloak eta neurriak hartzea.
  
  
• Urruneko lana: Telelanaren erregulazioa eta deskonexio digitalerako eskubidea.
  
  
• Hizkuntza-normalizazioa eta Intentsitate Handiko Zentroak: Sektoreko batzorde paritarioak sortzea euskararen erabilera eta intentsitate handiko zentroen errealitatea aztertzeko.
  Azken bi bloke horiei dagokienez, adierazi behar dugu eduki horietako asko, orain ELAk eta CCOOk sinatutakoak, LABek eta ESKk gure plataformetan hasieratik proposatu genituenak direla, eta hilabete hauetan guztietan defendatu ditugunak, negoziazioan gal ez daitezen.

ESK - LAB