CEAReko langileek lanuztea egin dute eta kalera atera dira Zuzentarauarentzat soilik soldata igotzeak dakarren diskriminazioaren aurka protesta egiteko eta Esku-hartze sozialaren hitzarmena aplikatzearen alde.

 

« CEAReko  zuzendaritzak soldata % 23a igo  du likidezia faltagatiko bajak estaltzen ez dituen bitartean »

 

CEAR Bizkaia

Honako grebarako deialdia egiten da 2023ko abenduaren 21ean Entitateak erantzukizuneko lanpostu jakin batzuei % 23-rainoko soldata-igoera aplikatzeko ALDE BAKARREKO erabakia hartu zuelako, 2023ko urtarrilaren 1etik aurrerako atzeraeraginarekin.

Izaera kolektiboa duen neurria izaki ere, hura ez da ez parte sozialarekin adostu ezta negoziatua izan, ezta hitzarmeneko batzorde paritarioan tratatua ere izan. Ez zaio bada aldez aurreko inongo kontsultarik egin Langileen Legezko Ordezkaritzari.

Erantzukizuneko lanpostu jakin batzuetarako soldata-igoera honek diskriminazioa suposatzen du plantilla osoarentzat, eta Entitateko langileen arteko soldata-arrakalan sakontzen du. Berriro diogu, aldez aurretik ezer negoziatu gabe egin dela hau guztia.

Gainera, Entitateak 2023. urte osoan zehar argudiatu du beharrezko langileen kontratazioa eta lan-baja guztien ordezkapenak egiterik ez zegoela prestasun ekonomikorik ez izateagatik; kontrara urtea amaitzeko, atzeraeraginezko soldata-igoera egin da erantzukizuneko lanpostu jakin batzuentzako.

  • Lan-harremanei modu larrian eta etengabean eragiten dien egoera honi buelta ematea ahalbidetuko duen modu aproposean epeen bidezko negoziazio-prozesu bat hastea eskatzen dugu.

  • Negoziazio kolektiboaren eremuan soldata-masa hori berresleitzeko negoziazio-mahaiaren irekiera.

  • CEAReko langile guztien soldata-baldintzen hobekuntza aldarrikatzen dugu.

  • Entitatearen egoera ekonomikoa, zein atzeraeraginezko soldata-igoera horretarako erabilitako finantza-funtsen jatorria, ezagutzea eskatzen dugu.

  • Plantillan lan-errefortzu handiagoa, aldi baterako ezintasunak kontratatzea eta berehala ordezkatzea ekarriko duena.

  • Euskadiko Langileen Legezko Ordezkaritzatik, gainera, gure lurraldeetako hitzarmen sektorialen aplikatzea aldarrikatzen dugu.

  • Plantilaren lan-errefortzu handiagoa izatea, kontratazio berriak egitea, aldi baterako ezintasunak ordeztea eta oporraldiak estaltzea ahalbidetuko duena, enplegu-poltsa bat sortuz.

  • Euskadiko Langileen Legezko Ordezkaritzatik, gainera, gurentzat lehentasun osoa du gure hitzarmen sektorialetan probintzia mailan jasotako baldintzak aplikatzea. Horregatik, gure plantiletako lan- eta soldata-baldintzak gure sektore-hitzarmenek ezartzen dutenaren azpitik egongo ez direla bermatzeko akordio bat eskatzen dugu.

Amaitzeko, borroka honek, gure lan-baldintzak hobetzeko ez ezik, errefuxiatuen arreta hobetzeko ere bada.

 

 

« Arabako plantilla  diskriminatuta dago  esku-hartze sozialeko gainerako erakundeekin alderatuta »

 

CEAR Araba

Arabako CEAR enpresako langileok lanuztea deitzea eta mobilizatzen hastea erabaki dugu, gaur, otsailak 21, erakundeak behin eta berriz uko egin baitio Arabako Eskuhartze Sozialeko III. Hitzarmen Probintzialaren aplikazioari buruz hitz egiteari.

Hilabeteotan plantillaren lan-baldintzak hobetzea negoziatzeari uko egin dioten bitartean, erakundeak jakinarazi zuen alde bakarreko erabakia hartu duela; batez ere erantzukizuneko lanpostuetara zuzendutako soldata-igoera bat egitea, % 23ko soldata igoera, urtebete baino gehiagoko atzeraeraginarekin, 2023ko urtarrilaren 1etik hain zuzen ere. Neurri hori, besteak beste, talentua eusteko eta erantzukizuneko postuetako soldatak hirugarren sektoreko gainerako erakundeen soldatetara egokitzeko premian oinarrituta argudiatu da, talentu hori erakundeko erantzukizuneko postuak betetzen dituzten pertsonei soilik egotzita.

Kategoria altuenen alde bakarreko soldata-igoera horrek are gehiago areagotzen du erakundearen barruko soldata-arrakala, eta beheragoko kategoriak prekarietate ekonomikoko egoera handiagoan jartzen ditu. Hau guztia erakundeak sustatzen dituen berdintasun, ekitate eta justizia sozialaren printzipioen aurka doala uste dugu.

Arabako CEARen plantilla diskriminazio-egoeran dago esku-hartze sozialeko gainerako erakundeekin alderatuta, gainontzeko sektoreko langileei herrialdeko hitzarmena aplikatzen baitzaie. Diskriminazio horrek lan-baldintza okerragoak eta arlo ekonomikoan bidegabekeria dakar, urtean 5.000 €arteko soldata-aldeekin.

Hau guztia gutxi balitz, erakundeak lanaldiak luzatzeko, lantaldeak indartzeko, oporrak eta bajak estaltzeko eta abarretarako egindako eskaerei etengabe emandako ezezkoak gehituta, beti ere argudio ekonomiko batean oinarrituta, plantilla erabat tenkatzera eraman du. Talde guztiak gainkargatuta, eta, ondorioz, zuzenean jasotzen duten esku-hartzearen kalitatea jaitsi zaien CEARen erabiltzaileei ematen zaien zerbitzuaren kalitatea okertu egin da.

Ezin dugu ahaztu CEARen atenditzen ditugun pertsonak ahultasun-egoera batetik datozen pertsonak direla, bizi-historia gogorrekin, eta erakundeko langileok ditugun lan-baldintzek larriagotu egiten dituztela.

Horregatik guztiagatik, Gasteizko eta Langraizko lantokietako langileak kalera atera gara gaur, Estatuko gainerako ordezkaritzak bezala, lan-baldintzak hobetzea eskatzeko: gure kasuan, Arabako Esku-hartze Sozialeko herrialdeko Hitzarmena aplikatzea aldarrikatuta.

 

 

 

Bizkaiko esku-hartze soziala: Gizardatzi seriotasuna eta negoziatzeko borondatea eskatzen diogu

Oso positiboki baloratzen ditugu baraualdiko hiru egunak eta gaurko greba eguna, eta Gizardatzi seriotasuna eta negoziatzeko borondatea eskatzen diogu Bizkaiko Irakurri

3 barau-egun eta greba-egun 1 Bizkaiko esku-hartze sozialaren sektorean

Gaur hiru eguneko baraualdia hasi da Bizkaiko Foru Aldundiaren aurrean, eta apirilaren 17an greba-eguna deitu dugu Bizkaiko esku-hartze sozialeko sektore Irakurri

Bizkaiko Esku-hartze Sozialeko patronala mugiarazteko proposamena eta mobilizazioak

Gizardatz, Esku-hartze Sozialeko Hitzarmen Kolektiborako akordioa eragozten ari da, eta hura osatzen duten erakundeetako batzuk akordiorako edozein hurbilketa eragozten ari Irakurri

Mobilizazio berriak Bizkaiko Esku-hartze sozialan

Martxorako eta apirilerako mobilizazio gehiago iragartzen ditugu. Mobilizazioak bakarrik ahalbidetuko digu patronala eta erakundeak mugitzea eta 2021etik hitzarmenik gabe jarraitzen Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9

 

Palestinarekin elkartasuna

Afiliazioa sindikatua