CEAR Bizkaia enpresako langileok lortu dugu Bizkaiko Esku-hartze Sozialaren hitzarmena aplikatzea, plantillaren lan-baldintzak hobetuz, zegoen soldata-arrakala murriztuz eta murrizketei amore eman gabe.

«  Langileen Batzarrak  modu zabalean berretsi du akordioa »

Akordioa deskargatu »

Hainbat hilabetez negoziatzen aritu ondoren, eta ESK-ren laguntzarekin, CEAReko Bizkaiko langileok akordio bat lortu dugu entitatearekin Bizkaiko Esku-hartze Sozialaren hitzarmena aplikatzeko eta telelanerako dugun eskubideari eusten. Langileen Batzarrak era zabalean berretsi du akordio hori, elkarrekin posible zela frogatuz.

Akordio hau ospatzen dugu, plantillaren lan-baldintzak hobetzen dituelako, soldata-arrakala murrizten duelako eta ez diegulako CEARek Bizkaiko plantilla zigortu nahi zituen murrizketei amore eman.

Parekatzea, publiko egin aurreko urratsa

Bizkaiko CEAReko plantilla aktiboki parte hartu genuen Esku-hartze Sozialeko Hitzarmenaren borrokan eta azken negoziazioan, eta, orain, plantillari hitzarmena aplikatzea lortuta, konprometituago gaude sektore osoaren baldintzak hobetzeko borrokan, publifikaziorantz jotzera, hurrengo hitzarmenean parekatzearekin lehen urratsa emanez.

Sektore indartsu bat behar dugu, zaintza profesionalizatuen arloan aritzen diren pertsonen lan-baldintzak hobetzearen alde borrokatuko duena, horrela gure lanari eta borrokarako konpromisoari eusteko, lan egiten dugun pertsonen bizi-baldintzak hobetzeko.

Borrokatzeak merezi du. Gora langileon borroka!