Gaur, martxoak 14, ostegunarekin, 23. Korrikari emango diogu hasiera Irunen. Martxoaren 24 arte, amaika egunez Euskal Herritik zehar, hamaika zoro zoragarri ibiliko dira korrika, harro, euskararen alde.

 

« Sindikalgintzatik, langile eta euskaltzale izanik, gure herriaren  hizkuntz eskubideak  defendatzea langileriaren alde egitea da »

 

ESK sindikatuak, aurtengo edizioan ere, Korrikarekin bat egiten du. Sindikalgintzatik, langile eta euskaltzale izanik gure herriaren hizkuntz eskubideak defendatzea langileriaren alde egitea delako ere.

Langileok euskaraz bizitzeko eskubidea dugu edonon, esparru pribatuan zein publikoan, gure etxeetan, administrazioarekiko harremanetan edo gure lantokietan. Harrotasunez gure hizkuntza erabiltzeko eskubidea bai baina baita ikasteko.

 

Euskara konpartitu eta disfrutatu

Euskara guztiok konpartitu eta disfrutatu behar dugu eta ezin da, inondik inora, pribelegio bat izan. Euskalduntzea publikoa, kalitatezkoa eta doakoa izatea da gure aldarrikapen eta helburua.

Gure herri, klase ta hizkuntzaz harro gaude,plazaratu dezagun ba harrotasunez garena. Harro ESK, Harro herri langilea, eta harro Korrikan!

 

 

Gehiengo sindikalaren kilometroak

• Iruña (521 km): martxoak 16, 17:53ean Otsagabia kalea, Sta. Alodia eta Maiteminduen pasealekua.
  
  
• Gasteiz (1.071 km): martxoak 18, 21:38ean Herrandarren kalea
  
  
• Bilbo (1.886 km): martxoak 21, 19:30ean Gran Vía 30
  
  
• Donostia (2.583 km): martxoak 23, 20:47ean Askatasunaren hiribidea 19
  
  
• Baiona (2.786 km): martxoak 24, 12:17ean Grenet Zubia

 

Korrikaren ibilbidea