Negoziazio-mahaian aurrerapausorik ez dagoenez, lan-arloko profesionalek greba iragarri dute urriaren 30erako eta 31rako, hurrengo hilabeteetarako mobilizazio-fase berri batean.

«  Negoziazio-mahaietan ez zaie erantzunik ematen  ez soldata-hobekuntzei, ez lan-osasuneko gaiei. »

Bizkaiko Gizarte Esku-hartzeko sektoreko langileek iazko azaroan hasitako mobilizazioei ekin diete berriro. Horretarako, gaur Bizkaiko Foru Aldundiaren aurrean beste bi greba egun berriak deitu dituzte urriaren 30ean eta 31n. Aurrekoak kontuan hartuta, bi horiekin sei greba egun egingo dituzte.

Langileak haserre agertu dira azken negoziazio mahaietan sektoreak berrindartzeko auzi nagusiei ez zaielako erantzun. Izan ere, mahai horietan ez zaie erantzunik ematen ez soldata hobekuntzei, ez lan osasunaren arloko gaiei, besteak beste.

Ez hori bakarrik, eguneroko lanaren balio produktiboa erdigunean jartzeko premia aldarrikatu dute, baita aurrera begira jarri eta sektorearentzako irtenbide estrukturalak ere. Horrela, argi utzi dute ez dutela onartuko soldatak pobretzea, ezta hitzarmenaren indarraldi luze batek haien lan baldintzak eta laneko segurtasun falta iraunaraztea ere.

Langileen asanbladak

Era berean, sektoreko langile guztiak deitu dituzte datorren urriaren 9an Bilboko Burtsan egingo diren batzar orokorretan parte hartzera, goizeko 10etan eta arratsaldeko 17.15etan. Egun horretan bertan, langileek mobilizazioa iragarri dute Bilboko udaletxearen aurrean, 11:30ean.

ELA - CCOO - LAB - ESK