Petronorreko kontratetako plantillek, beren indar eta konpromisoarekin, akordio hau ahalbidetu dute.

« Sinatutako ituna aurrerapauso garrantzitsua da  prekarietatea ezabatzeko  bidean jarraitzeko oinarriak ezartzen dituelako »

ESK-k, langileen batzarrak berretsi ondoren, Petroleos del Norte SAren enpresa azpikontrata guztientzako lan-akordioa sinatu du.

Grebaren osteko akordioa

Muskizko findegiaren geldialdi teknikoarekin bat etorri den 4 eguneko grebaren ondoren, eta 12 eguneko greba deialdi berri baten atarian, sinatutako ituna aurrerapauso garrantzitsua da, eta Petronorren azpikontratetan prekarietatea ezabatzeko bidean jarraitzeko oinarriak ezartzen ditu.

1. Lehenengo aldiz sinatu da Petronorreko azpikontrata guztiak (40 baino gehiago) bilduko dituen akordio bat.
   
   
2. Findegiko edozein langileren gutxieneko lan-baldintzak Bizkaiko sektoreko hitzarmenetan ezarritakoak izatea ezartzen da, izaera unibertsalez.
   
   
3. Beren lanetan enpresa-aldaketek eragindako langileen subrogazio-eskubidea lortzen da.
   
   
4. 2022ko urtarrilaren 1etik aurrerako atzeraeraginarekin, geldialdi teknikoetan lanegun bakoitzeko kobratu beharreko 36,9 € (astegunetan) eta 73,81 euroko (asteburuan eta jaiegunean). Geldialdiaren kontzeptua eta sortzapen-denbora zabaltzen dira.
   
   
5. Garbitzaileak eta jantokia bezalako kolektiboen diskriminazio historikoa ezabatzen da; izan ere, errefortzu-plusa ere kobratuko dute (geldialdi-plusaren balio berekoa) geldialdiek irauten duten bitartean.
   
   
6. Findegiko laneko segurtasunaren eta osasunaren erregulazioan aurrera egiten da.

Zorionak Petronorreko kontratetako langileei

ESK-k Petronorreko kontratetako langileak zoriondu nahi ditu, bere indarrak eta planteatutako grebekiko konpromisoak soilik ahalbidetu dutelako akordio hau. Era berean, eskerrak eman nahi dizkiegu Petronorreko Enpresa Batzordeak eta langileek emandako laguntzagatik.

Lortu Dugu!

Petronorrreko kontraten ituna