Azpikontratazioak ez dio balio izango CAFi Euleneko garbitzaileen ustiapenaren handitze horretan duen erantzukizuna ezkutatzeko.

CAF garbitzen duten Eulen enpresako garbiltzaileek kontzentrazioa burutu genuen atzo enpresaren aurrean, azken garaian pairatzen ari diren presioa eta lan zamaren gorakada salatzeko, CAF enpresa bezeroak agindutako murrizketen ondorioz. Zehazki, CAFek eragotzi du azkenengo urtean hiru jubilazioren ondorioz sortutako hutsuneak betetzea, bete gabeko lan postu hauen lan zama gainontzeko langileongan utziz.

CAF erantzunle

Orain, CAFek garbikuntza zerbitzua lizitaziora atera du, murrizketa hauek betikotu eta kostuen murrizketa garbikuntzako langileon bizkar burutzeko asmo argiarekin. ESK-tik argi utzi nahi dugu azpikontratazioa ez zaiola CAFi baliagarri izango esplotazioaren hazkunde honetan duen ardura ezkutatzeko eta, bukatutzat ematen badu 2012tik izandako “bake soziala”, aurrean izango dituela garbikuntzako langileok.