Petronorreko langileok manifestatzen jarraituko dugu, akordioak betetzeko, ERTEa kentzeko eta trantsizio energetiko sozialki bidezkoa eta arduratsua egiteko.

 

El personal de Petronor sigue exigiendo el cumplimiento de los acuerdos, la retirada del ERTE y otra medidas de futuro

 

Bete gabeko akordioak

Gaur, maiatzak 20, osteguna, Petronorreko langileok berriz ere manifestazioa egingo dugu, oraingoan Muskizeko findegiaren atetik Somorrostro Prestakuntza Zentroraino.  Somorrostro Prestakuntza Zentroak hainbat akordio ditu Petronorrekin prestakuntza-arloan; tartean, planta kimikoko operatzaileen ikastaro batzuk egitea.

Prestakuntza eta kontrataziorako konpromiso hauek 2019an eta 2020an hartu ziren enpresa-batzordearekin, beharrezkoak direlako Petronorren urtero-urtero sistematikoki egiten diren ordu estren kopurua murrizteko. Oraintsu amaitu da ikastaro horietako bat. Bertan, 17 pertsonari prestakuntza eman zaie, baina behin hori eginda ez dira kontratatuak izan, aipaturiko akordioetan hala egiteko konpromisoa jasota egon arren. Halaber, akordiootan 33 pertsonentzat bitariko prestakuntza egitea jasotzen zen, kontratatzeko konpromisoarekin, eta hori ere ez da martxan jarri.

 

Eredu energetikoaren aldaketa ez-traumatikoa

Nabarmendu behar da, era berean, Petronorren maiatzaren 3tik hona alderbakartasunez ERTE bat inposatu dela 356 pertsonen aurka, eta abenduaren 31ra arte luzatuko dela. Kezkaz ikusten dugu, gainera, nola ERTE horrek findegian lan egiten dugunontzat neurri are traumatikoagoak ekar ditzakeen, eredu energetikoaren aldaketagatik. Hori dela eta, sozialki bidezkoa den trantsizio bat exijitzen dugu, eskualde osoko inguru sozialari ere kalte egitea saihestuko duena.

Petronor Euskadiko enpresa nagusietako bat da, eta ingururako enpresa traktorea izan beharko luke. Azken urteotako errealitatea, ostera, da akordioak ez betetzeko eta enplegua suntsitzeko dinamika batean sartu dela, eta horrek eragin zuzena duela inguruko eskualdeetan, bereziki prestakuntza-zentro honetan.

 

Lanuztea

Horregatik guztiagatik, maiatzaren 20an, 11:00etatik 13:00etara egingo dugun lanuztean, prestakuntza-zentroraino joango gara jakitera emateko Petronorren bizi dugun arazoa eta zer nola eragina izan dezakeen bai ikasleentzat bai irakasleentzat.

Bihar hilak 21, ostirala, beste lanuzte bat egingo dugu 7:00etatik 9:00etara, eta elkarretaratzea egingo dugu findegiko sarreretan.

  • Akordioak betetzearen alde.

  • Petronorreko zuzendaritzak jarritako ERTEa kentzearen alde.

  • Trantsizio sozialki bidezko eta arduratsu baten alde.

 

Petronorreko Enpresa Batzordea

 

Petronorreko kontratetako langileek ituna lortu dute

Petronorreko kontratetako plantillek, beren indar eta konpromisoarekin, akordio hau ahalbidetu dute. Irakurri

Petronorreko kontratek ez dute negoziatu nahi

Aurrera jarraitzen du Petronorreko kontratetako greba-deialdiak, patronalek langileen eskubideak errespetatuko dituen akordio duin bat negoziatzeko eta hitzartzeko borondaterik ez baituelako. Irakurri

Greba Petronorreko kontratetan otsailean eta martxoan

Petronorreko sindikatu guztiok borroka sindikalari ekin behar diogu, akordio duin bat lortzeko eta Muskizko findegiko kontrata guztientzako desberdintasunekin amaitzeko. Irakurri

Elkartasuna inputatutako langileekin. Borroka ez da delitua

Bizkaiko Metalaren, PCBren, Tubacexen eta Petronorren gatazketan salatutako langileei elkartasuna adierazten diegu. Irakurri
  • 1
  • 2
  • 3