Emilio Titos, Gasteizko Mercedes-Benzeko zuzendariak, langile bat kaleratu zuen adierazpen askatasunerako duen eskubidea urratuz. Orain Titosek dimisioa aurkeztu behar du edo kargua uztera bideratu behar dute.

 


Argazkia: elespañol.com

 

Pasa den 2020ko Urtarrilaren 17an, gure zerbitzu juridikoek jakinaren gainean jarri gaituzte Euskal Autonomi Erkidegoko Auzitegi Nagusiak Gasteizko Mercedes-Benz enpresak gure afiliatu baten aurka buruturiko kaleratzea baliogabea dela erabaki duela, langilearen adierazpen-askatasunaren eskubidea urratzeagatik.

Oso laburturik, langilea ezin da kaleratua izan enpresa bera edo bere zuzendaritza kritikatzeagatik. Adierazpen-askatasuna oinarrizko eskubide bat da eta ezin da enpresaren zuzendaritzaren botereagatik mugatua izan.

 

Epai positiboa

Pozik egon beharra daukagu soilik iritzi bat azaltzeagatik pertsona bat kalean gelditzearen egoera bidegabea auzitegietan buelta ematea lortu dugulako.

Poz hau harrotasun sentimenduarekin batzen da, gure afiliatuaren eta beste bi langileren kaleratzearen berria jasotzean sail sindikal honek eta enpresa batzordeak erasoaren aurrean egoerak eskatzen zuen mailan izateagatik. Kaleratze arbitrarioen aurrean sinaturiko ekintza protokoloak eta ekintza zein mobilizazio ezberdinekin ekindako borrokak oso era positiboan baloratu beharreko ekintza sindikal batasunaren eredu dira.

 

Dena ez da positiboa

Edonola ere, dena ez dira emozio positiboak, sindikatuaren Arabako zuzendari bezala kezkatuta gaude. Mercedes-Benz Arabako sare industrialaren enpresa erreferente bat da eta ez dugu uste, ez Gasteizko langileek, ezta hiri honetako biztanleek ere, horrelako enpresa garrantzitsu eta erreferente baten zuzendaria Titos izatea merezi dutenik. Bai kaleratzeko erabakia berak hartu zuelako edo berau onartu zuelako, gaitasun profesional ezaren erakusle nabarmena da adierazpen-askatasunaren oinarrizko eskubidea hautsiz kaleratzea legala izango dela pentsatzea.

 

Titos dimisioa

Lanean gabiltzan pertsonek badakigu akats larri bat egin ezkero honen ondorioak arduraz jasotzeko prest izan behar dugula eta ez luke axola beharko katean egon edo bulegoetan, diziplinazko erregimena mundu guztiari ezartzeko aukera dago. Inongo lan esparrutan ezin dira horrelako bortxaketak burutu eta ezin dira doakoak izan. Norbaitek honen ardura hartu beharra dauka eta ESK-n argi daukagu. Titosek dimisioa aurkeztu behar du edo kargua uztera bideratu behar dute.

 

ESK-k ez du Mercedesen berdintasun plana sinatu

Langileekiko zaintza eta berdintasun izpirik ez duen enpresa honetan nekez ezar daiteke berme guztidun berdintasun-planik. Irakurri

Bermerik gabeko bozka elektronikoa Mercedesen

Mercedeseko aurreko erreferenduman bozka elektronikoa irregulartasun argiz inguratuta egon. Botoa aurrez aurre edo posta bidezko botoaren bidez emateko eskubidea erabil Irakurri

Greba Mercedesen, malgutasunaren abusuaren aurka

Larunbatetan greba deitzen dugu langileei malgutasunaren gehiegizko erabileraren aurkako protesta mekanismo bat eskaintzeko. Irakurri

Mercedesen aurkako salaketa, zerbitzu medikoak okerrera egiteagatik

Mercedesi zerbitzu mediko propioak eskatzen dizkiogu. Osasun zerbitzua okertu ditu eta Lan-Ikuskaritzan salatu dugu. Irakurri
  • 1
  • 2

 

Palestinarekin elkartasuna

Afiliazioa sindikatua