Grebari eustea enplegua, altzairutegia eta logistika defendatzen jarraitzea da, oraindik indarrean dagoen EEE baten aurrean. EEE hori bertan behera utzi ez den bitartean, mobilizazioa uztea murrizketak eta desindustrializazioa erraztea litzateke.

« Daukagun indar bakarra ez dugu oparituko  gehien behar den unean  »

Tubos Reunidos enpresaren hartzekodunen konkurtsoak fase berri bat irekitzen du, baina ez du funtsezkoa aldatzen: EEEak mehatxu zuzena izaten jarraitzen du gure lanpostuentzat, altzairutegiarentzat, logistikarentzat eta Amurrioko industria-etorkizunarentzat. Inork ez diezagula saldu jada ezer egiterik ez dagoela. Enpresa ez da desagertu, jarduera ez dago itxita eta gatazkak zabalik jarraitzen du.

Konkurtso hau ez da beste hainbat konkurtsoren modukoa, maniobra-tarterik gabe, hartzekodun publiko garrantzitsurik gabe eta benetako esku-hartze instituzionalerako aukerarik gabe jaiotzen diren horien modukoa. Hemen bada funtsezko elementu bat: SEPI/FASEErekiko zorra. Horrek esan nahi du badagoela erantzukizun publiko, politiko eta instituzional bat, ezin dena ezkutatu. Urteetan enpresa diru publikoarekin sostengatu bada, orain ezin da onartu diru hori enplegua suntsitzeko, altzairutegia ixteko eta plantillaren etorkizuna zatitzeko erabiltzea.

Grebak ezinbestekoa izaten jarraitzen du

Baina, hain zuzen ere horregatik, EEEa inoiz baino arriskutsuagoa da. Izan ere, finkatzen bada, enpresa konkurtsoan sartuko da jada markatutako bide-orri batekin: plantilla txikiagoa, industria-gaitasun txikiagoa, altzairutegia itxita, logistika kanporatuta eta fabrika ahulagoa. Hori ez da Tubos Reunidos salbatzea. Hori enpresa mutilatuta uztea da, beste batzuek gure bizitzen inguruan erabaki dezaten langileen erresistentzia eta produkzio-gaitasun txikiagoarekin.

Horregatik grebak ezinbestekoa izaten jarraitzen du. Ez gaude greban kapritxoz. Greban gaude enpresak kaleratzeak, itxierak eta kanporatzeak inposatu nahi izan dituelako. Greban gaude prozesu oso honetan ideia argi bat defendatu dugulako: altzairutegirik gabe, logistikarik gabe eta enplegu egonkorrik gabe ez dago benetako industria-etorkizunik Tubos Reunidosentzat. Orain greba bertan behera uztea, EEEa erretiratu gabe, enpresari eta konkurtso-administratzaileari behar duten bake soziala oparitzea litzateke, borrokatzen ari garen neurri berdinekin aurrera egin dezaten.

Presionatzen jarraitu

Gainera, datorren maiatzaren 26an bilera dago. Horrek erakusten du enpresak kudeatzen jarraitzen duela, erabakitzeko gaitasuna duela eta EEEa kentzeko aukera baduela.

Beraz, presionatu ere egin daiteke. Espedientearen etetea ez da nahikoa. Guk haren erretiratzea eskatzen dugu. EEEa kentzen badute, beste agertoki bat irekitzen da. Kentzen ez badute, grebak tresna legitimoa, beharrezkoa eta koherentea izaten jarraitzen du.

Konkurtso-administratzaileak ere lehen egunetik gauza bat ulertu behar du: hemen plantilla antolatua dago, borrokan dago eta fabrika defendatzeko prest dago. Grebak jardueran eragiten du, bai. Eta horregatik du indarra. Egonkortasuna, produkzioa eta etorkizunaz hitz egiteko baldintzak nahi badituzte, bidea ez da EEEaren mehatxua plantillaren buru gainean mantentzea. Bidea EEEa kentzea eta benetako negoziazio bat irekitzea da, xantaiarik eta mehatxurik gabe.

Tranpa bat

Greba edo itxiera aukeratzera behartu nahi gaituzte. Hori tranpa bat da. Benetako aukera beste hau da: edo kaleratzeak eta industria-suntsiketa inposatzen dizkigutela onartzen dugu, edo borrokan jarraitzen dugu konkurtsoaren edozein irtenbidek enplegua, altzairutegia, logistika eta fabrika osoa mantentzea bermatzeko.

ESK-k argi dauka: ez dugu saihestezin gisa onartuko kudeaketa negargarri baten ondorio dena. Ez dugu onartuko plantillak ordaintzea zorra, akats estrategikoak eta Tubos Reunidos egoera honetara eraman dutenen erabakiak. Eta ez dugu daukagun indar bakarra oparituko, gehien behar den unean.

Orain inoiz baino gehiago: altzairutegiaren, logistikaren eta lanpostuen defentsa. greba arazo hain handia bada, EEE-a kentzea besterik ez dute egin behar.