ESK-n ez dugu Enplegu-Erregulazioko Espedienterako (EEE) justifikaziorik aurkitzen, EEE-a kentzea eskatzen dugu, eta greba mugagabearen aldeko apustua egiten jarraitzen dugu, erronka honen aurrean, benetan proportzionala den neurri bakarra borroka baitalako.

 

« Benetan uste dugu  ezin garela epelak izan  EEE hau bezain larria den zerbaitekin »

 

Bihar, martxoak 9, astelehena, Tubos Reunidosek bere plantillari aplikatu nahi dion enplegu-erregulazioko espedientearen kontsulta epearen legezko epea betetzen da.

Enpresak argi utzi du, gainera, kontsulta-aldi honetan guztian ez duela kaleratzeetarako irtenbide alternatiborik bilatzeko asmorik.

Justifikazio eta bidegarritasun eza

Gastuen murrizketak dira, inolako logikarik gabe.

Plantilla osoaren % 25 kaleratzea. Amurrioko plantillaren % 30. Lantegi hori, bitxia bada ere, oso indartuta egon zen 2021-2026 plan estrategikoan, ia 40 milioi eurorekin (diru publikotik, SEPI kreditutik).

Eta 22 milioi euro, altzairutegian inbertitu dira, orain dela gutxi arte. Horrek talka egiten du altzairutegi hori ixteko gaur egun duten asmoarekin, errentagarria ez izatearen aitzakiarekin, eta hori ere ez da frogatzen aurkeztutako dokumentazioan.

Altzairuaren eta logistikaren ekoizpena kanpora ateratzearen ondorioz ziurtatzen duten aurrezpena ere, ez da frogatu, datu egiaztaturik eman gabe baieztatzen baitute.

Argi daukagu plan horrek egoera kritikoan eta arrisku larrian uzten duela enpresa, zatirik estrategikoena kentzen baitio. Altzairugintzaren baldintza estrategiko hori enpresak berak jasotzen du aurreko industria plan guztietan eta duela hilabete gutxi arte, alderdi sozialarekin hiru hilean behin egiten dituen bilera guztietan.

Horrez gain, eskatutako informazioaren zati bat ez dute emango, “errekerimendu judiziala” izan ezik, eta “fede egintza” eskatu digute, 301 kaleratze justifikatzeko.

 

 

Kaleratzeen instrumentalizazioa, xantaia instituzional baterako

Kontsulta aldi honetako bileretan emandako hitzaldiengatik, EEE honetan ikusten dugu 301 bahituren bahiketa, erreskatea eskatzeko, hau da, SEPIrekiko eta Eusko Jaurlaritzarekiko zor publikoaren kopuru handi bat barkatzea (hainbat aldiz hitz egitera iritsi diren “kita” hori), Tubos Reunidos-etik, zuzenean edo zeharka, bizi diren familiak arriskuan jartzea axola gabe, baita Trapaga eta Amurrioko lantegiak hondamendiaren ertzean jarriz ere.

Gainera, badirudi alderdi soziala bultzatzen ari direla, diru publikoa ez itzultzeko plan honetako saltzaile gisa jardutera, erakunde horien aurrean.

 

Egiturazko neurriak, egoeraren araberako arazoetarako

AEBko muga zergak historikoki koiunturala izan den arazoa dira, beti erlaxatzen baitira, AEBren eskaria handitzen denean. Oso merkatu “hegazkorra” da, eskariaren eta erabaki politikoen araberakoa.

Ez dugu onartuko plantillaren aurkako egiturazko neurririk eta neurri kaltegarririk, ezta bere lan baldintzak okertuko dituenik ere, egoeraren araberako krisia aprobetxatuz. Gainera, krisi horrek ez du erabat geldiarazi Tubos Reunidosen presentzia AEBn; izan ere, egiaztatu dugu gaur egun herrialde horretarako eskaerak ateratzen jarraitzen dutela, neurriz, bai Amurrion, bai Trapagan.

 

 

ESK-ren jarrera

ESK-tik jakinarazi nahi dugu oraindik ez dugula enplegu erregulazioko espediente honetarako justifikaziorik ikusi.

Erakundeak inplikatzea eta enpresaren kudeaketa txarrari irtenbidea ematea nahi dugu, baina laguntza horiei baldintzak jartzea, kudeaketa gardena eta etikoa exijituz, langileen enplegua eta etorkizuna ziurtatuko dituena.

Tubos Reunidosen arazo ekonomikoak, bere kudeatzaileek sortu dituzte. Erakundeek ahulak boteretsuaren gehiegikerietatik babestu beharko lituzkete, eta ez inoiz gehiegikeria horiek sustatu.
Horregatik guztiagatik, Amurrioko eta Trapagarango altzairutegia eta logistika ixteko eta kanpora ateratzeko plana eta enplegu erregulazioko espedientea bertan behera uzteko eskatzen dugu.
Industria Plan bat eskatzen dugu, Tubos Reunidosi eta bere plantillari etorkizuna emango diona eta euro publiko bakoitza plan hori betetzearen eta enpleguari eustearen baldintzapean egongo dena.
Bestela, borroka gogortu nahian jarraituko dugu, greba zehaztugabera iritsi arte; izan ere, hasieratik uste izan dugu hori dela, benetan proportzionala den erantzun bakarra, Euskal Herrian azken hamarkadetan industrian izan den lan erasorik handienetako batentzat.

Gure ustez, ezin gara epelak izan alderdi sozialetik eta sindikaletik, EEE hau bezain larria den zerbaitekin.

Borroka ez da eten. Borroka da bide bakarra. Segi borrokan!

ESK Tubos Reunidos »