Arabako III. Esku-hartze Sozialako hitzarmena argitaratu da, eta orain haren aplikazioa bermatzea dagokigu. Maiatzaren 22an, astelehenean, batzarra egingo dugu afiliazio eta jarraitzaileekin, hitzarmena azaltzeko eta prozesu osoa baloratzeko.

« Negoziazio-etapa itxita,  hitzarmena aplikatzeari  ekingo diogu »

Inoiz iritsiko ez zela zirudien arren, gaur goizean, azkenean, Arabako Gizarte Esku-hartzearen III. Hitzarmena argitaratu da ALHAOn.

Arabako Gizarte Esku-hartzearen III. Hitzarmena

Horrekin, etapa bat ixten da eta hurrengoa hasten da, hitzarmenaren aplikazioarena. Gai berri aipagarrienak laster aterako dugun laburpen batean jasoko ditugu.

Bitartean, 2021eko, 2022ko eta 2023ko atzerapenak kalkulatzeko taula bat prestatu dizuegu ordaintzen dizuenean dena zuzen dagoela egiazta dezazuen.

Zure atzerapenak kalkulatu (2021, 2022, 2023)

Afiliatu eta jarraitzaileen asanblada

Eta azkenik, ESK-ko afiliatu eta jarraitzaileen asanblada batera deitzen zaituztegu datorren maiatzaren 22an, astelehena, 17:00etan sindikatuaren egoitzan (Beethoven kalea, 10, behea, Gasteiz). Bertan, gai hauek jorratuko ditugu:

• Ia 3 urte hauetan III. Hitzarmenaren negoziazioa hasi zenetik gertatutakoari buruzko balorazioa, non asmatu dugun eta non ez dugun egin, eta IV. Hitzarmena negoziatzeko zain geratu diren gaiak.
  
  
• Hitzarmen kolektiboari buruzko zalantzak, eta atzerapenak kalkulatzeko taularen azalpena.

Zuen zain gaude, sektorearen lana aitormenean eta lan-baldintzak hobetzen modu kolektiboan aurrera egiten jarraitu ahal izateko.