Azaroaren 5ean Bilbon egingo den manifestazioan parte hartzera animatzen dugu, pertsona guztientzat eskubide berdinak bermatuko dituen kalitatezko hezkuntza publiko eta euskalduna eskatzeko.

 

Hezkuntza Legea

 

« Hezkuntza lege proiektuak Itunpeko eskolari eta eskola publikoari  garrantzi maila bera  ematen dio »

 

Datorren azaroaren 5ean, Eskola Publikoaren Aldeko Plataformatik (Eskola Publikoaz, Harro!) manifestazioa deitu dugu, ‘Euskal Eskola Publikoaren Alde, Hezkuntza Lege Honi Ez!’ lelopean. Mobilizazio honetan, nabarmen geratuko da Eusko Jaurlaritzak aurkeztutako hezkuntza lege aurreproiektuak eta etorkizunean aurreikus daitekeen legeak ez diotela euskal eskola publikoari dagokion protagonismoa ematen.

 

Pertsona guztientzat eskubide berberak

ESKren ustez, gizarte justu, iraunkor, berdintasunezko, integratzaile eta solidarioaren ikuspegitik, eskola publikoa ez da soilik hezkuntza-sistema ororen ardatza, baizik eta pertsona guztientzat eskubide berberak berma ditzakeen aukera bakarra.

Aurreproiektu hau oso urrun dago horretatik. Euskal Hezkuntza Zerbitzua bezalako kontzeptu berri bat sortu arren, hezkuntza-sistemaren dualtasuna iraunarazten jarraitzen du, itunpeko eskolari eta eskola publikoari garrantzi maila bera emanez.

Diru publikoarekin esku pribatuetan dauden ikastetxe eta eskolak laguntzen jarraituko diren bitartean, eskola publikoak jasaten jarraituko du gizarte kohesionatu, euskaldun, parte-hartzaile eta solidario baten bermatzaile ezin izatea.

 

Hezkuntza Legea

 

Lege honekin asko dugu jokoan

Gure hezkuntza-sistema beste urte askotan betikotzea dugu jokoan, hala nola, gure gizarteari hezkuntza-erantzunak emateko ekimen pribatuen babesle gisa. Bereizketa betikotzea, hezkuntza-sistemaren laikotasuna ez bermatzea eta saltzeko eta erosteko produktu izaten jarraitzea dugu jokoan.

Horregatik guztiagatik, ESK-k sistema publiko eta bakar bat defendatzen jarraituko du, beharrezko berme eta baliabideekin, guztiok tokia izango dugun auzoak, herriak eta hiriak eraikitzen laguntzeko.

 

Manifestazioa Bilbon

ESK-tik datorren azaroaren 5ean 17:30ean Bilboko Hezkuntza Ordezkaritzatik egingo den manifestazioan parte hartzera animatzen dugu.

 

Euskal Eskola Publikoaren alde, Hezkuntza Lege honi ez!

 

Euskal eskola publikoaren alde, Hezkuntza Lege honi ez!

Euskal Eskola Publikoaz Harro elkarteak Euskal Eskola Publikoa lehenesteko eta Hezkuntza Lege hau baztertzeko eskatu die alderdi politikoei. Urriaren 29an Irakurri

Euskal Eskola Publikoaren alde, Hezkuntza Lege honi ez!

Hezkuntzari buruzko Legea izapidetzen hastera doala, lege-aurreproiektu honi ezezkoa ematen diogu berriro, eta ekainaren 9ko manifestazioetan parte hartzera animatzen zaitugu. Irakurri

Euskal Eskola Publikoaren alde, Hezkuntza Lege honi ez!

Azaroaren 5ean Bilbon egingo den manifestazioan parte hartzera animatzen dugu, pertsona guztientzat eskubide berdinak bermatuko dituen kalitatezko hezkuntza publiko eta Irakurri

Hezkuntza akordio txar honetatik, lege berri on batera

Hezkuntza Akordioaren irakurketa ezkorra egiten dugu, ez duelako jasotzen eskola publikoa hezkuntza sistemaren erdigunea eta lehentasuna izatearen beharra. Ekainaren 5ean Irakurri
  • 1
  • 2
  • 3

 

Palestinarekin elkartasuna

Afiliazioa sindikatua