ESK-k, kapitalak kondenatzen gaituen pobretze orokorra geldiarazteko, gainerako erakunde sindikal borrokalariei helaraziko die erantzun sozial eta sindikal handia emateko beharra.

« Oso sakona izango den eta ezaugarri guztiz berriak izango dituen  krisi ekonomiko berri baten  hasieran gaude »

Testuinguru ekonomiko iluna

Itxura guztien arabera, oso sakona izango den eta ezaugarri guztiz berriak izango dituen krisi ekonomiko berri baten hasieran gaude. Bi urte daramatzagu izugarrizko prezioen igoerekin (2021eko KPIa %6,5, 2022ko irailera arte pilatutakoa, % 9). Langileen poltsikoak, eta batez ere prekario eta pobretuenenak, sufritzen ari dira, eta nola, inflazio-prozesu honekin.

Langileen kopuruaren eta BPGaren igoeraren batera etortzeak, ikuspuntu ekonomikotik eramangarriago bihurtu du inflazio oso altuaren arazoa. Baina orain Europako Banku Zentralak logika neoliberala inposatzen du berriro. Egindako interes-tasen igoera izugarriak hipotekak garestitzeaz gain, ekonomiaren esku-balaztari tira egitea dakar, etorriko den krisia are gehiago sakonduz.

Errealitate horren aurrean, ESK-k bizitzaren garestitzearen aurka mobilizazioaren aldeko apustua egiten du. Gure indar guztiak soldatak, pentsioak eta gizarte-prestazioak KPIaren arabera eguneratzen jarriko ditugu. Gure ustez, arreta berezia jarri behar zaie soldata eta pentsio baxuenei, are gehiago jasaten baitituzte prezioen igoera estratosferikoak.

Mobilizazioarako deialdia

ESK-k, kapitalak kondenatzen gaituen pobretze orokorra geldia razteko, gainerako erakunde sindikal borrokalariei helaraziko die erantzun sozial eta sindikal handia emateko beharra.

'Matxinada' aldizkaria deskargatu