Herenegun ESK-LAB PT atalean bildu ginen TRIko zuzendaritzaren enegarren eraso saiakeraren aurrean egin beharreko ekintzak adosteko.

Argazkia: El País

2 orduko eztabaidaren ondoren, afera honen inguruko daukagun ikuspuntua adierazi nahi dugu, baita langile guztien interesak eta eskubideak babesteko eta defendatzeko egin behar ditugun ekintzak ere.

1. Altzairutegiaa ixtearen aurka gaude aurrez aurre, zuzendaritzak "lekualdaketa" deitzean erabiltzen duen eufemismoa erabat baztertuz.
   
   
2. Aplikatu nahi diren neurriak argi eta garbi enplegua suntsiketa lekarkete (pizgarridun bajak, behin-behinekoak, azpikontratak, etab.).
   
   
3. Irmoki deitoratzen eta gaitzesten dugu diru publikoa erabiltzea enplegua suntsitzeko eta Ezkerraldea desindustrializatzeko neurriak ezartzeko. ESK-LAB ataletik irmoki uste dugu altzairutegia ixteak Galindoko ijezketa-trenaren bideragarritasuna arriskuan jartzen duela.
   
   
4. TRI taldeko zuzendaritzari eskatzen diogu eman diezaiola Enpresa Batzordeari plan estrategikoa, bai eta SEPIk 112.8 milioi euro jasotzeko lortutako akordioak ere.
   
   Abiatu asmo daukaten ekintzak ezagutu nahi ditugu eta, batez ere, zeintzu diren funts horiek eskuratzeko hartutako konpromezuak.
   
   
5. Eusko Jaurlaritza ere zuzenean interpelatu nahi dugu, eta, zehazki, Industria Saila. Galdetu nahi dizuegu noiztik ezagutzen duzuen taldearen plana eta zer jarrera hartuko duzuen enplegu-suntsiketaren aurrean eta ezkerraldeko eskualdearen desindustrializazioan emandako beste urrats baten aurrean, eta hori guztia diru publikoarekin.
   
   
6. Enpresa Batzordeari batzar orokor bat dei dezala eskatzen diogu, guztion artean posizio sendo eta antolatua lortzeko, beste batzuetan bezala garaipena lortzera eramango gaituena.

PT-N PAUSO BAT ERE EZ ATZERA!