Gure administrazioek biribil more eta argi lila andana jarriko dute beren leihoetan, apaingarri horiek botere magikoak balituzte bezala. Luze eta amorruz aritu gaitezke indarkeria matxistaren aurka botere publikoek hartzen dituzten neurriekiko utzikeriaz.

 

 

Azaroaren 25a Indarkeria Matxistaren Aurkako Eguna da, eta gure administrazioek biribil more eta argi lila andana jarriko dute beren leihoetan, apaingarri horiek botere magikoak balituzte bezala.

Entzungor egiten jarraitzen diote beren erantzukizun erreala denari, hau da, indarkeria ezabatzeko beharrezko baliabideak ezartzeari eta horretarako aurrekontuak bideratzeari.

ESKtik ekonomia feministaren proposamenarekin bat egiten dugu, zeinak frogatu nahi duen bizitza ezin dela sostengatu eredu kapitalista heteropatriarkal eta binarioaren garapenaren baitan, kontuan hartzen baititu soilik merkatuarentzat ikusgai diren jarduera produktiboak. Beharrezkoa da etxeko eta zaintza lanak ikusaraztea, erantzukizun kolektibo gisa partekatzea, lanaren sexu-banaketa ezabatzea, eta indarkeria matxistarik gabeko bizitzak garatu ahal izatea, gure eskubidea baita indarkeriarik gabe bizitzea.

Egungo politikak ez dira bidezkoak

Egungo politika publikoak ez dira bidezkoak, ez dute berdin eragiten eta ez dituzte ondorio berdinak gizonengan edo emakumeengan*. Ez dira neutralak. De  facto, diskriminazio eta mespretxu handiagoa eragiten dute emakumeongan*, eta hala izaten jarraituko du, baldin eta ez bada genero ikuspegia txertatzen gobernuen aurrekontu-prozesuetan, eta ez bada berrikuspen integralik egiten politika publikoek gizon eta emakumeei* nola eragiten dieten aztertzeko.

Helburu nagusia izanik emakumeen* aurkako indarkeria mota guztiak ezabatzea, uste dugu ezinbestekoa eta premiazkoa dela administrazioek konpromiso hori hartzea eta gauzatzea; politika publikoak garatzeko orduan lehentasunezko helburua dela uste dugu.

Luze eta amorruz aritu gaitezke indarkeria matxistaren aurka botere publikoek hartzen dituzten neurriekiko utzikeriaz; gai honi eskaintzen dioten garrantzi eskasaren adierazgarria da.

 

Gure aldizkaria irakurri

 

 

 

Postureorik ez. Berdintasun politika eraginkorrak orain!

Martxoaren 8ko puntu moreak ez dira nahikoak. Enpresen eta erakundeen postureoa, borroka feminista despolitizatzeko baino ez da erabiltzen. Benetako neurriak Irakurri

Lantokietako indarkeria matxistaren aurrean, begiak ireki eta jardun

Lantokietako indarkeria matxista oso gutxi salatzen da eta normalizatuta, onartuta eta ikusezin eginda dago. Ezin dugu utzi egoera horiek gure Irakurri

Eraso matxistarik ez, ez Arabako Metalean ez inon!

Ez dugu onartzen inolako gertakari edo eraso matxistarik gure borrokaguneetan, joan den maiatzaren 18an Mercedes enpresako informazio-pikete batean gertatu zen Irakurri

Patriarkatua indargabetu!

Emakumeok diskriminazio mota guztiak jasaten jarraitzen dugu, eta horregatik, 2022ko martxoaren 8an kaleak berriro betetzeko eta gure aldarrikapenak bizitza politikoaren Irakurri
  • 1
  • 2
  • 3
  • 4
  • 5