Abuztuaren 14tik 15erako gauean, Arabako zentrokoordinatzailea, beste behin ere, mediku fakultatiborik gabe egon da, eta erizainek 112 Osakidetzan jasotako larrialdiak eta emergentziak koordinatu behar izan dituzte, beharrezko babes juridikorik gabe, ardura hori beste probintzia bateko medikuei pasatuz, eta hori ohikoa bihurtzen ari da Larrialdiak Kudeatzeko Taldearen erruz. Larrialdietako Buruzagitzak ospitaleetatik kanpo hil edo biziko egoerei aurre egiteko ezinbestekoa den zerbitzu hau hondoratzen ari dela ikusten ari gara.

Era berean, Oñati eta Langraizko ZIUak medikugabe utzi dituzte hilaren 14an. Eta egoera hau hilaren 15ean eta 16an errepikatuko da Oñatiko ZIUan, 60.000 pertsona baino gehiagoko biztanleria babesik gabe utzita.

Sailburuari eskatzen diogu, berriz ere, esku har dezala egoera hau geldiarazteko eta ezinbestekoak diren neurriak inplementatzeko, euskal biztanleei merezi duten larrialdietako osasun-arreta eman ahal izateko.