Hauek dira Osakidetzan egiten dizkiguzuen kontsulta ohikoenak. Zure zalantzak argitzen lagun diezaguketen erantzun labur hauek uzten dizkizuegu. Hala ere, nahikoa ez bada, badakizu non gauden.
Kontratazio-zerrendak Osakidetzan
- Zer dira osakidetzako kontratazio-zerrendak?
- Osakidetzako EPE bat egin dut. Horrek esan nahi du automatikoki kontratazio-zerrendetan sartzen nautela?
- Zer da kontratazio-zerrendak eguneratzea eta noiz egiten da?
- Noiz eman dezaket izena Osakidetzako kontratazio-zerrendetan?
- Zenbat zerrenda mota dago?
- Nire kontratua amaitu dela jakinarazi behar dut?
- Amatasun/aitatasun-lizentzia, haurdunaldiko arriskua edo edoskitzaroko lizentzia badut, kontratazio-eskaintzak egin behar dizkidate?
- Uko egin diezaioket Osakidetzaren lan-eskaintza bati?
- Esklusioak. Kontratu bati uko egiteagatik zigortu al nazakete?
Oporrak, baimenak eta lizentziak
- Zenbat opor-egun dagozkit?
- Bajan egonda, zenbat kobratzen dut?
- Haurdun nago. Joan naiteke jaio aurreko azterketetara eta erditzea prestatzeko tekniketara?
- Ama/aita izango naiz. Zenbat asteko baimena dagokit?
- Zenbat egun dagozkit familiako kide bat ospitaleratzeagatik?
- Senideren bati ebakuntza egingo diote, egunen bat dagokit?
- Senideren bat etxeko ospitalizazioan dago, egunen bat dagokit?
- Zenbat egun dagozkit senide baten heriotzagatik?
- Ezkondu/izatezko bikote egingo naiz. Zenbat egun dagozkit?
- Senide bat ezkontzen bada, ba al dut egunen bat eskatzeko eskubiderik?
- Bataio eta jaunartzeak. Ba al dut egunen bat eskatzeko eskubiderik?
- Etxez aldatu behar dut. Zenbat egun dagozkit lekualdaketagatik edo etxe-aldaketagatik?
- Zer dira APak? Zenbat dagozkit?
- Zer dira kanosoak? Zenbat kanoso dagozkit?
- Senide bat oso osasun egoera larrian daukat. Zenbat egun dagozkit?
- Azterketa daukat. Egunen bat dagokit?
- Kontsulta medikoa dut. Zer baimen dagokit?
- Gaixotasun kronikoa edo mugitzeko arazoak dituen senide bat dut. Zer baimen dagokit?
- Genero-indarkeriaren biktima naiz. Zer baimen dagokit?
- Minbizia edo beste gaixotasun larriren bat duen seme-alaba. Zer baimen dagokit?
- “Asuntos Propios” baimena
- Ba al dut baimenik Gobernuz Kanpoko Erakunde batekin lankidetzan aritzeko?
Lanaldia eta eszedentzia murriztea eta egokitzea
- Lanaldia murriztu dezaket justifikaziorik gabe?
- Seme-alaba adingabeak ditut nire ardurapean, edo ezgaitasun psikiko, fisiko edo sentsoriala duten pertsonak, edo 2. Mailara arteko senideak. Lanaldia murriztu dezaket?
- Ez naiz finkoa. Seme-alabak zaintzeko eszedentzia eska dezaket?
- Zer da 8 asteko gurasoen baimen berria?
- Nire lanaldia egokitzea eska dezaket?
Langabezia
Lanaldia eta ordutegiak
Kontratazio-zerrendak Osakidetzan
Zer dira osakidetzako kontratazio-zerrendak?
Kontratazio-zerrendak Osakidetzako aldi baterako lan-poltsak dira. Aldi baterako kontratuak horietan izena emanda dauden pertsonei ematen zaizkie. Kategoria bakoitzeko baldintzak betetzen dituen edonork eman dezake izena. Oro har, EPE bakoitzaren ondoren, prozesu osoa amaitu eta plazak esleitzen direnean, Osakidetzak kontratazio-zerrenda berriak irekitzeko prozesua hasten du.
Osakidetzako EPE bat egin dut. Horrek esan nahi du automatikoki kontratazio-zerrendetan sartzen nautela?
Ez. EPE bat egiteak ez du esan nahi automatikoki kontratazio-zerrendetan egongo zarenik. Kontratazio-zerrendetan izena eman ez duena ez da zerrenda horietan agertuko.
Zer da kontratazio-zerrendak eguneratzea eta noiz egiten da?
Osakidetzak ofizioz egiten du prozesu hori, 6 hilean behin, zerrendetako kide guztiei; beti ekainaren 30ean eta abenduaren 31n. Prozesu horretan, Osakidetzak berrikusi eta eguneratu egiten du izena emandako pertsona bakoitzaren lan-denbora. Sortzen joan zaren lan denbora gehituko dizute.
Gauza bera gertatzen da euskararekin. Hizkuntza-eskakizun berriak atera badituzu, atal honetako puntuak eguneratuko dizkizute.
Noiz eman dezaket izena Osakidetzako kontratazio-zerrendetan?
Edozein unetan eman daiteke izena Osakidetzaren webgunearen bidez, “aldi baterako kontratazioa” atalean. Interneteko bilatzailean “Osakidetzako aldi baterako kontratazioa” bilatzen baduzu, web orria aurkituko duzu.
Gauza garrantzitsu bat: Zerrendetan izena emateak ez du esan nahi Osakidetzak automatikoki zerrendetan sartuko zaituenik.
Kontratazio-zerrenda berriak irekitzen direnean, izena emateko epe bat ezartzen da. Epe horren barruan izena ematen dutenak eta Osakidetzak ezarritako baldintzak betetzen dituztenak zerrendetan agertuko dira.
Epe hori amaitu ondoren, izena eman dezakezu, baina Osakidetzak zu zerrendetan sartu arte itxaron beharko duzu.
- Edozein espezialitatetako medikua edo erizaina, Fisioterapeuta, Psikologia Klinikoko FE Teknikaria edo Ospitaleko Farmaziako FE Teknikaria bazara, Osakidetzak zerrendetan sartuko zaitu, zerrenden hurrengo eguneratzearekin: ekainaren 30ean edo abenduaren 31n.
- Beste edozein kategoriatakoa bazara, Osakidetzak ez zaitu zerrendetan sartuko hasierako epean izena eman zuten pertsonekin osatutako zure kategoriako zerrendak agortzen hasi arte.
Zenbat zerrenda mota dago?
Osakidetzako Kontratazio Zerrendetan izena ematen duzunean, bi zerrendatan izena ematen ari zara:
- Izendapen Luzeen Zerrenda (interinitateak)
- Izendapen Laburren Zerrenda (ordezkapenak)
Osakidetzak, eman beharreko kontratuaren iraupenaren arabera, zerrenda bat edo bestea erabiliko du:
- 6 hilabete baino gutxiagoko iraupena duten kontratuak izendapen laburren zerrendatik egiten dira (zerrenda hori zerbitzu-erakunde bakoitzak kudeatzen du)
- 6 hilabete baino gehiagoko iraupena duten kontratuak izendapen luzeen zerrendatik egiten dira (zerrenda hori Osakidetzako Zerbitzu Zentralek kudeatzen dute zuzenean)
Espezialitate medikoen kasuan, kontratazio guztiak Osakidetzako Zerbitzu Zentralek kudeatzen dituzte.
Barrutiko Zerrendak: Zerrendak kategoriaren batean agortzen badira, Barrutiko Zerrendak erabiliko dira:
- Izendapen Luzeen Barrutiko Zerrendak.
- Izendapen Laburren Barrutiko Zerrendak.
Zerrenda Espezifikoak: Kategoria batzuetan bakarrik daude (Erizaintza, Teknikari Espezialistak, TCAE,). Oso zerbitzu espezifikoak betetzeko erabiltzen dira. Zerbitzu-erakunde bakoitzak kudeatzen ditu.
Nire kontratua amaitu dela jakinarazi behar dut?
Aldi baterako kontratazio-zerrendetan izena emanda dauden eta lanerako prest dauden.
Gauza bera ordezkapenen zerrendetako kontratua baduzu, salbuespen bakar batekin; kontratua zinatu zenean amaiera data zehaztuta bazenuen ez duzu berraktibatzea eskatu behar.
Lanpostu bati uko egite bat justifikatzen denean, justifikazioaren arrazoia amaitzen denetik 15 egun naturalen buruan eskatu behar da berraktibatzea.
Berraktibatzerako 15 eguneko epea amaituta, berraktibatzea berriro eska daiteke, baina berraktibatzea eskaera-datatik 15 egun naturalen burura izango du eragin.
Amatasun/aitatasun-lizentzia, haurdunaldiko arriskua edo edoskitzaroko lizentzia badut, kontratazio-eskaintzak egin behar dizkidate?
Bai. Aldi baterako kontratazio-zerrendetan izena emanda dauden eta lanerako prest dauden izangaiei, aldi baterako izendapena egiteko unean amatasun- edo aitatasun-lizentzia edo adopzio edo harreragatiko lizentzia hartzen ari badira, edo haurdunaldiko edo edoskitzaro naturaleko arriskuagatiko prestazioa jasotzen ari badira, izendapen hori eskainiko zaie. Izangaiak onartzen badu, izendapena bermatuko da lanbide-esperientziaren zenbaketarako, baina lizentzia hori baliatzen jarraitu ahal izango du horretarako legez ezarritako aldia amaitu arte, eta benetako laneratzea lizentzia amaitu eta hurrengo egunera atzeratuko da, betiere izendapena eragin zuen arrazoiak bere horretan jarraitzen badu
Uko egin diezaioket Osakidetzaren lan-eskaintza bati?
Oro har, utziezinak izaten dira, justifikaziorako hamasei arrazoien barruan ez bazaude behintzat.
12 urte baino gutxiagoko seme-alaba edo senide bat zaintzak justifikazioak hilabete bateko iraunaldia gutxienik izan behar du eta ezingo da hiru aldiz baino gehiago luzatu urtean zehar. Seme-alaben kasuan uko egitea lan eskaintza baino lehen egiten bada epelimitazio bakarra haurrak 12 urte betetzea izango da.
Zigorrik gabe uko egin ahal izango diozu eskaintza bati deialdia egin eta hurrengo 12 orduetan edo aurreko izendapen bat amaitu eta hurrengo 24 orduetan hasteko eskaintza bat bada.
Indarrean diren lanaldi murriztudun kontratuei uko egin diezaiekezu aipaturiko izendapena egiten den unetik hiru hilabetera bakar-bakarrik. Hau ez da errelebo kontratuei aplikatzen. Errelebo kontratu bati zigorrik gabe uko egiteko gutxienez bi urte igaro behar dira kontratua sinatu zenetik.
Kontuz! Ordezkapenen zerrendetan bakarrik egin dakioke uko gehienez hilabete bateko eta gutxienez aste beteko epean urte natural bakoitzeko eskaintza orori, baldin eta Aste Santutik, Eguberrietatik eta oporraldietatik kanpo eskatzen bada.
Zerbitzu Zentraletako kontratazio Zerbitzutik aurreratu digute eskaintza telematikoaren eredua aldatuko dela laster eta Osakidetzako webgunearen bitartez kudeatuko dela.
Eskaintza baten aurretik, osasun-arlo bati uko egin diezaiokezu lanpostu hutsen zerrendan. Ordezkapen-zerrendan ere egin dezakezu, aurretiko eskaintzaz, hautaturiko zerbitzu-organizazio bati uko egin.
Gure web orrian honen inguruko informazio gehiago daukazu.
Esklusioak. Kontratu bati uko egiteagatik zigortu al nazakete?
Bai. Kontratazio-eskaintza bati ezezkoa, bai lanpostu huts bai ordezkatze-zerrendetan, 15 egun naturalen buruan justifikatu beharko da, ez justifikatzeak eskainitako zerrenda eta kategoriatik kanpo sei hilabetetan geratzea ekarriko du. Justifikaziorik gabeko bigarren ezezkoak urte bat kanpoan geratzea ekarriko du, eta azkenik, hirugarren ezezkoak behin betiko esklusioa.
Oporrak, baimenak eta lizentziak
Zenbat opor-egun dagozkit?
Urtean hogeita zortzi lanegunerako eskubidea duzu. Zure kontratua iraunaldi gutxiagokoa bada oporraldia proportzionala izango da.
Oporraldiak, printzipioz, etengabe disfrutatuko dira eta ekainean, uztailean, abuztuan eta irailean lehentasunez nahiz eta lau denboralditan banatu daitezkeen. Udako lau hilabeteetatik kanpo eskaktutako oporrak Zuzendaritzaren aldeko irizpidea behar dute, hala ere, Zuzendaritzak ezin dizu alde bateko erabakiaz zure oporraldiak karteldegian sartu ez eta hauek etenki disfrutarazi.
Oporretan bajan bazaude, oporrak gelditu egiten dira, eta alta ematen dizutenean hartu ahal izango dituzu.
ABE (Baja) egoeran izateagatik aurreko urtean disfrutatu gabeko oporraldiak disfrutatzeko eskubidea duzu.
Bajan egonda, zenbat kobratzen dut?
Gaixotasunagatiko baja %100ean kobratzen da lehenengo egunetik.
Haurdun nago. Joan naiteke jaio aurreko azterketetara eta erditzea prestatzeko tekniketara?
Bai. Haurdun dauden langileek eskubidea izango dute, beharrezkoa den denbora hartuta. Edozein kasutan ere, lanaldiaren barruan egin beharra justifikatu beharko dute.
Ama/aita izango naiz. Zenbat asteko baimena dagokit?
18 aste haurduntza, erditze, adopzio eta hartzeagatiko, 2 astetan luzatu daitekeenak seme-alabaren desgaitasunaren eta erditze-anitzaren kasuetan. Haurra goiztiar jaio ezkero edo erditu ondoren ospitaleratuz gero, 13 aste gehienez luzatu daiteke.
Lizentzia honetan Osakidetzako prestakuntza ikastaroetan parte hartu ahal izango da.
Haurdunaldiaren azken 3 hilabeteetan guardiak eta gauak ez egiteko eskubidea dago, baita baimen honen ostean lanean hasi eta hurrengo hiru hilabeteetan. Aukeran, lanean hasi eta hurrengo 6 hilabeteetan ez egitea aukeratzen ahalko du.
Oporrak lizentzia honi metatzen ahal zaizkio, urte naturala bukatuta ere.
Edoskitzea: Eguneko ordubeteko murrizketa hartu ahal izango da, bi zatitan banatu daitekeena, 12 hilabete baino gutxiagoko seme-alaba bakoitzeko, edo denbora hori haurdunaldiko lizentziari gehitu.
Zenbat egun dagozkit familiako kide bat ospitaleratzeagatik?
- Langilearen ezkontidea, izatezko bikotekidea, 1. mailako senidea eta bizikidea: 5 egun baliodunera arte.
- Luzapena: 2 egun natural gehiago ezkontidea, izatezko bikotea eta seme-alabaren kasuan, gertaera 150 km baino gehiagora bada.
- Luzapena: 2 egun natural gehiago ezkontidea, izatezko bikotea eta seme-alabaren kasuan, gertaera 150 km baino gehiagora bada.
- 2. mailako senidea: 4 egun baliodunera arte.
- Luzapena: kasu honetan ez dago.
Baimen hau egun baliodunetan emango da. Gertakaria 150 km-tik gora gertatzen denean, luzapen-egunak egun naturaletan ematen dira.
Egun baliodunak karteldegiaren arabera zerbitzuak ematearekin bat datozen egunak dira.
Ezkontidea, izatezko bikotekidea, odolkidetasuneko edo ahaidetasuneko lehen mailako senidea eta langilearekin etxe berean bizi dena ospitaleratu behar izanez gero, eta haren zaintza beharrezkoa bada: ospitalean alta ematean etxean atsedena hartu behar dela adierazten duen medikuaren txostena badago, baimena 5 egun baliodunera arte mantenduko da.
Senideren bati ebakuntza egingo diote, egunen bat dagokit?
Bigarren mailarainoko ahaideen ospitaleratzerik behar ez duten ebakuntza kirurgikoengatik, eguna dagokizu.
Senideren bat etxeko ospitalizazioan dago, egunen bat dagokit?
Etxeko ospitalizazioa: Osakidetzak ahaideen eritasun larri, ospitalizazio edo heriotzagatiko lizentziarekin parekatzen du, ESK-k 2019ko maiatzaren 23an epaian irabazitako demandaren ondorioz. ESK poztu egin da epai irmo bidez parekatze hori lortu duelako eta Osakidetzako langile guztiei zabaltzea lortu duelako.
Zenbat egun dagozkit senide baten heriotzagatik?
- Ezkontidea, izatezko bikotekidea, seme-alaba, erraina, suhia: 5 eguneko baimena.
- Ama, aita, aitaginarreba eta amaginarreba: 3 eguneko baimena.
- 2. mailako senidea: 3 eguneko baimena.
Luzapena: Ezbeharra ohiko bizilekutik 150 km baino urrunago gertatzen denean, dagokion baimena beste bi egun naturalez luzatu ahal izango da.
Ezkondu/izatezko bikote egingo naiz. Zenbat egun dagozkit?
20 egun naturaleko lizentzia izango du ezkontzeagatik edo bizikidetza egonkorra (ezkontzaz kanpoko elkarketak) hasteagatik.
Ezkontza edo batasun eguna 20 eguneko baimenaren artean egon behar da (hasieran, 20 egun horien artean edo amaieran).
Senide bat ezkontzen bada, ba al dut egunen bat eskatzeko eskubiderik?
Bigarren mailara arteko odolkidetasun edo ezkontza-ahaidetasuneko senideen kasuan, edo bizikidetza egonkorreko bikotekidearen senideen ezkontzaren kasuan, egun natural bateko lizentzia hartzeko eskubidea dago. 3 egun naturalera luza daiteke ospakizuna langilearen bizilekutik 150 km baino urrutiago gertatuz gero.
Bataio eta jaunartzeak. Ba al dut egunen bat eskatzeko eskubiderik?
Aitak, amak eta aiton-amonak ekitaldia egiten den egunean izango dute baimena.
Etxez aldatu behar dut. Zenbat egun dagozkit lekualdaketagatik edo etxe-aldaketagatik?
Ohiko etxebizitza aldatzeagatik, 2 egun naturaleko lizentzia hartzeko eskubidea izango dute langileek, baldin eta urtebete badaramate lanpostu horretan.
Zer dira APak? Zenbat dagozkit?
APak (Asuntos Particulares) Norberaren Eginkizunetarako lizentzia egunak dira.
Urtean 6 eguneko lizentzia hartzeko eskubidea dago, 45 ordutan kuantifikatua, edo zati proportzionala kontratuaren iraupenaren araberakoa.
20 egun lehenago eskatu behar dira.
Kontratuak luzatuz gero edo kontratuak kateatuta badaude, denboraldien iraupena gehituko da, lizentzia hau hartzeko.
Zer dira kanosoak? Zenbat kanoso dagozkit?
6. hirurtekotik aurrera ematen dizkiguten lizentzia-egun gehigarriak dira.
Seigarren hirurtekoa betetzean 2 egun hartzeko eskubidea izanen da, eta zortzigarrenetik aurrera betetako hirurteko bakoitzeko egun bat gehiago. Kontaketa 7,5 ordutakoa da eguneko.
Gogoan izan 20 egun lehenago eskatu behar duzula, eta salbuespenezko behar baten aurrean edo txandan ohiko plantillaren %50 baino gutxiago geratzen bada ezezta diezazuketela. Badaezpada ere, erregistratu beti eskaera. Epaitegian frogatzeko modu bakarra da.
Senide bat oso osasun egoera larrian daukat. Zenbat egun dagozkit?
Lehen mailako ahaideen eritasun oso larria: lanaldiaren% 50era arteko murrizketa izateko eskubidea izanen da, gehienez ere hilabetez.
Azterketa daukat. Egunen bat dagokit?
Ikastetxe ofizialetako azterketetara joateko, egun oso bat duzu, 2 egun natural gehiago azterketa 150 km-tik gorakoa bada. (Kontsultatu prestakuntzarako beste baimen batzuk).
Langileek baimen bera izanen dute HABEren, EGAren eta Hizkuntza Eskola Ofizialaren ikastetxeetan euskararen hizkuntza eskakizunak egiaztatzeko azterketak egiteko.
Kontsulta medikoa dut. Zer baimen dagokit?
Baimen honek, orokorrean, gehienez 4 ordukoa izango da, behar bezala justifikaturiko salbuespenak izan ezik. Beti ere asistentzia horiek egiten dituzten zentroek ez badute lanorduetatik kanpo joan ahal izateko kontsulta-ordurik.
Gaixotasun kronikoa edo mugitzeko arazoak dituen senide bat dut. Zer baimen dagokit?
50 ordu urtean, gaixotasun kronikoa edo mugitzeko arazoak dituzten senideak zaintzeko. Oro har, lanaldia hasi edo bukatzean 2 ordu hartuko dira, baina zuzendaritzak baimena eman ondoren lanaldi osoetan hartu ahal izanen dira.
Genero-indarkeriaren biktima naiz. Zer baimen dagokit?
Genero-indarkeriaren biktima diren emakumezko langileen hutsegiteak, erabatekoak nahiz partzialak, justifikatutzat joko dira, osasun edo gizarte-zerbitzuek hala erabakitzen duten denboran eta baldintzetan.
Horretaz gain, lanaldia murrizteko eskubidea, ordainsaria hein berean murriztuta, edo lanaldia berrantolatzeko eskubidea, ordutegia egokituz, ordutegi malgua aplikatuz edo lanaldia antolatzeko aplika daitezkeen bestelako moduen bidez.
Minbizia edo beste gaixotasun larriren bat duen seme-alaba. Zer baimen dagokit?
Langileek eskubidea izango dute, baldin eta guraso biek, adoptatzaile biek edo adoptatzaile nahiz hartzaile iraunkor biek lan egiten badute, lanaldia gutxienez erdiara murrizteko, eta ordainsari osoak jasoko dituzte, ospitalean eta tratamendu jarraituan seme edo alaba adingabea 23 urte bete arte zaintzeko.
“Asuntos Propios” baimena
Adi, baimen hau ez da APena.
Soldatarik gabeko baimena da hau.
Lanpostu erreserba duten langile finkoek, interinoek edo ordezkoek, lanpostuan urtebete baino gehiago egin badute, 4 hilabete izanen dituzte bi urtean behin. Zerbitzu beharren arabera emanen dira, Gizarte Segurantzan kotizaturik.
Ba al dut baimenik Gobernuz Kanpoko Erakunde batekin lankidetzan aritzeko?
Bai, baina baimen guztiak bezala, zure zerbitzu-erakundeak oniritzia eman behar du. GKEen babespeko misioak egiteko eskatuz gero, gehienez ere 2 urte iraunen dute.
Lanaldia eta eszedentzia murriztea eta egokitzea
Lanaldia murriztu dezaket justifikaziorik gabe?
Bakarrik langile finkoek lanaldia %50 murrizteko eskubidea dute, oro har, antolaketa prestasunen arabera.
Seme-alaba adingabeak ditut nire ardurapean, edo ezgaitasun psikiko, fisiko edo sentsoriala duten pertsonak, edo 2. Mailara arteko senideak. Lanaldia murriztu dezaket?
12 urtetik beheitikoak edo desgaitasun fisiko, psikiko edo zentzumenezkoak duten pertsonak eta bigarren gradura arteko ahaideak zaintzeko, lanaldia gutxienez heren bat eta gehienez erdia murriztea.
Lan prestazioaren baldintza zehatzak negoziatuko dira (egun edo orduka) eta ezarritako muga orokorretatik kanpo egiten bada.
Ez naiz finkoa. Seme-alabak zaintzeko eszedentzia eska dezaket?
3 urteko baimen berezialangile ez-finkoentzat, seme-alabaren jaiotzatik edo adopzioari buruzko ebazpen judiziala ematen denetik hasita, 2 urteko lanpostua gordetzeko eskubidearekin. Egoera horretan emandako denbora kontuan hartuko da hirurtekoen, Garapenaren eta Gizarte Segurantzako eskubideen ondorioetarako. Epe horretan administrazioaren prestakuntza ikastaroetan parte hartzen ahalko da.
Zer da 8 asteko gurasoen baimen berria?
Gehienez ere zortzi asteko iraupena izango du, jarraian edo etenean, eta lanaldi osoan edo lanaldi partzialean hartu ahal izango da, zerbitzuaren beharrek hala ahalbidetzen dutenean eta erregelamendu bidez ezartzen diren baldintzen arabera.
Zerbitzuaren beharrek horretarako aukera ematen dutenean, guraso, adoptatzaile edo harreragileari dagokio oporrak noiz hasi eta noiz amaituko diren zehaztea, edo, hala badagokio, noiz hartu diren zehaztea. Administrazioari jakinarazi beharko dio hamabost egun lehenago, eta aste osoka hartuko da.
Osakidetza ez da baimen hori ordaintzen ari. ESKn uste dugu egin behar duela, eta hori lortzeko borrokan ari gara.
Nire lanaldia egokitzea eska dezaket?
Lanaldia egokitzea eskatzeko eskubidea zabaldu zaie beren ardurapean adingabeak edota mendekotasuna duten pertsonak dituztenei.
Arau berriak adingabeen adin tartea zabaltzen du; izan ere, aurrekoarekin lanaldia egokitzea soilik eska zitekeen, 12 urte izan arte. Orain, aldiz, mendeko pertsonak dituzten langileek eskatu ahal izango dute, baldin eta “12 urtetik gorako semealabekiko zaintza-betebeharrak” egiaztatzen badituzte. Eskubide hori aitortzen du, halaber, bigarren mailara arteko odolkidetasuneko senideen eta mendetasunegoeran dauden bizikideen kasuan.
Langileak proposatutakoa onartzen ez badu edo bestelako planteamenduren bat aurkezten badu, enpresak justifikatu egin behar du.
Langabezia
Nire kontratua amaitu da. Nola eskatu behar dut langabezia?
Lan-harremanaren amaieraren arrazoiak langilearekin zerikusirik ez duenean langabezia-prestaziorako eskubidea duzu. Honen zenbateko eta iraunaldia egindako kotizazioaren denboraldi eta zenbatekoaren araberakoa izango da. Kontratua boluntarioki amaitzen denean ez da prestaziorik jasotzeko eskubiderik izango.
Epea: nahi gabeko amaitzearen hamabost egunen buruan eskatu behar da. Eskaera egin ahal izateko enplegu bulegoan izena emanda egon behar duzu eta aldizka berritu prestazioa kobratzeko eskubidea galdu nahi ez baduzu bederen.
Lanaldia txikiagotzeko kontratua izanez gero, langabezia-prestazioarekin osatu daiteke.
Lanaldia eta ordutegiak
Lanaldia: zenbat ordu lan egin behar dut?
Aurtengo lanaldia 1592 ordukoa da.
Ezin zaituzte zure lanaldi edo txandatik kanpo lan egitera behartu. Karteldegia aldatzen badizute jakinarazi behar dizute bi hilez behingo.
Lan karteldegi orekatu baterako eskubidea duzu (gehiegizko edo lanaldi eskasarik gabe), eta asteburu libre bat izateko hiru astean behin.
Ez-txandakako turnuetan aritzen direnak sei larunbat egin dezakete lan gehienez urtean zehar.
Sei ordu segidan baino lanaldi luzeagoetan hamabost minutuko atsedenaldia emango da.
Gaueko orduari 1,1eko faktore biderkatzailea ezarri behar zaio. Hau da, hamar ordu gauen egiten baduzu hamaika balira kontuan hartuko dira. 55 urte gorakoentzat faktorea 1,15eko da eta 60 urte baino gehiagokoentzat 1,25eko bai gau, igande eta jaiegunetan.
Berrogeita hamabost urte gorakoek gauetan lan egiteari uko egin dieziokete.
Solapea ezarri behar zaizkien txanden zehaztapena (lanaldiaren hamar minutu lan egindako denbora bezala), bai eta burutu behar dituzten pertsonena ere, zerbitzu erakunde bakoitzeko antolakuntza eremuan negoziatzeko gaia izango da, modu eraginkor eta justifikatuan egin daitekeela ziurtatzeko asmoz. Gaixotasun-bajan erortzen bazara solapea kontuan hartuko zaizu berau aitortuta baduzu, baina ez zaizu kontuan hartuko lizentzia bat disfrutatzen ari zarenean. Oharra: Gurutzetako ospitalean 15 minutu adostu dira goiz eta arratsaldeko txandetarako.
Lanaldien arteko etengabeko atsedenaldia 12 ordukoa da.
Oharra: Gurutzetako ospitalean 15 minutuko zenbaketa adostu da egiten den goizeko eta arratsaldeko lanaldi bakoitzeko. Lanaldien arteko atsedenaldi etengabea 12 ordukoa da.
Behar larri, premiazko eta aurretik jakin ezin diren ondorioz sartutako gehiegizko orduak nagusi batek horrela eskatuta konpentsazio baterako eskubidea dute, ordu eta erdiko konpentsazioa laneguneko ordu batengatik, gaueko edo jaiegunetako bada bi orduko konpentsazioa.
Lan-orduen zenbaketa. Nola kalkulatu nire lanaldia?
Honako formularekin kalkula dezakezue zenbat ordu sartu behar dituzuen gehiegizko edo gutxiagozko lanaldia egiteko, kontuan hartuta oporraldia gozatu duzun ala ez.
Ametsak borrokatuz!