Osakidetzak, oro har, eta gure Lehen Arretak, bereziki, bizi duten egoera kritikoaren aurrean, ESKk otsailaren 25ean Lehen Arretarako eta 28an Osakidetzaren esparru guztietarako greba-deialdiak erregistratu ditu gaur.
Euskadiko Osasun Publikoak pairatzen ari duen okerreratze nabarmenak erabaki hau hartzera bultzatzen gaitu. ESKn badakigu EAJk, PSEko bazkideekin batera, Lehen Arretarekin hasi duela osasun-sistema publikoaren suntsiketa, non gabeziak eta arazoak egiturazkoak diren eta denboran luzatzen diren.
Deialdi hau motz geratzen zaigu; ESKk uste du mobilizazio zabalagoa eta sendoagoa dela, denboran luzatua, Osakidetzak aurrera eramaten dituen politikak aldatzera behartzeko balio duena. Hala ere, uste dugu urrats hori beharrezkoa dela ESKk egiten duen bidea irekitzeko.
Gure Lehen Arreta, herritarrengandik hurbilen dagoen osasun-egitura, gero eta gehiago pitzatzen da, eta, apurtzen uzten badugu, gure Osasun Sistema Publikoaren gainerakoa eroriko da, eta are leku gehiago utziko du enpresen eta mutua pribatuen negoziorako.
ESK-tik mobilizazio sendo eta iraunkorrak bultzatzen jarraituko dugu, ahalik eta eragile sozial, osasun publikoaren aldeko elkarte, profesionalen plataforma eta sindikatu gehienak bateratzen saiatuz.
Ametsak borrokatuz!