Ukrainako gerraren hasieratik 4 urte eta NATOren erreferendumetik 40 urte bete direnean, gizateria une dramatikoan da. Otsailaren 26an eta 27an kalera irteteko deia egiten dugu.

 

« Kontua ez da ezin dela, baizik eta  ez dela bakea nahi  »

 

Donald Trumpek bere burua munduko enperadore izendatu du, Venezuelan, Iranen, Groenlandian eta egokitzat jotzen duen beste edonon borroka militarra elikatuz. Bere jarduerek sistematikoki urratzen dute nazioarteko zuzenbidea, eta gerra handi bat gertatzeko arriskua handitzen dute. Une honetan, AEB, AEBak, Errusia eta Txina potentzia handiak armamentu-lasterketan murgilduta daude, ez da izango gizateriaren mesederako.

Deialdi hau sinatzen dugunok ez dugu inolako gerra, genozidio edo eraso kolonialistaren konplize izan nahi. Ukrainaren inbasioa eta NATOren espantsionismoa arbuiatzen ditugu. Gaitzesten dugu Israel Gazan egiten ari den genozidioa, baita Sudan, Kongo, Siria eta abarretako gerrak ere. Bereziki Estatu Batuen politika neokolonialista salatzen dugu, Venezuela, Kolonbia, Mexiko, Kuba, Groenlandia, Iran edo Nigeria mehatxatzen dituena.

Bestalde, egoki deritzogu gogorarazteari duela 40 urte Euskal Herriak gehiengo zabalez uko egin ziola NATOn sartzeari. Bagenekien Aliantza Atlantikoak ez zuela bakea bermatzen eta Washingtonek kontrolatzen zuela bere onurarako. Dagoeneko Donald Trumpek aliantza erabiltzen du Europari aginduak emateko: % 5eko gastu militarra, muga-zerga garestiak edo gas likidotua eskandaluzko prezioetan erostera behartu, Groenlandia mehatxatzen eta Europako eskuin muturra sustatzen duen bitartean.

 

 

Gobernu militaristak

Europari ezarritako armamentu-karrerak gastu militarra hirukoiztuko du 2035ean, eta urtean 900.000 milioi eurora igoko da. Gastu hori finantzatzeko murrizketak egingo dira osasunean, hezkuntzan, pentsioetan, nekazaritzan, klima-aldaketaren aurka borrokatzeko funtsetan eta abarretan.

Espainiako gobernuak ere men egin du, eta 2035erako gastu militarra bikoizteko konpromisoa hartu du. Horrela, joan den abenduaren 31n 13.000 milioiko partida bat onartu zuen, diskrezioz, gastu militarra % 2,1era igoz, eta hori da NATOk 2025erako eskatzen zuena.

Euskal Herrian, Eusko Jaurlaritza eta Nafarroako gobernua beren militarismoagatik nabarmentzen ari dira. Eusko Jaurlaritzak publikoki babestu zuen Zedarriak enpresa-foroaren militarismoa, eta, ondoren, kendu egin zuen 2026rako Aurrekontuen Legean armamentu-enpresak funts publikoekin finantzatzeko debekua. Nafarroan, gobernuak urrezko domina eman zion M. Torresi, eta unibertsitateek erabilera bikoitzeko enpresak ikertzen eta sustatzen dituzte.

 

Karrera armamentista gelditu

Karrera armamentista gelditzeko eta irtenbide baketsuak eskatzeko garaia dela uste dugu. Bake-akordioak ez dira planteamendu utopikoa. Gerra Hotzaren erdian ere, ohiko tropen eta arma nuklearren kopurua mugatzen zuten tratatuak lortu ahal izan ziren.

Kontua ez da ezin dela, baizik eta ez dela bakea nahi. Elite ekonomiko eta politiko batzuk armamentismoarekin eta beste herrialdeetako aberastasunaren espoliazioarekin negozioa egitea bilatzen dute, haien gutiziak giza sufrimendurik sortuko ez balu bezala.

Horregatik guztiagatik, NATOk ezarritako politika militarista hausteko eskatzen diegu Euskal Herriko, Espainiako eta Europar Batasuneko alderdi politikoei eta gobernuei. Lehentasuna eman diezaiotela pertsona guztiek "bizitza duina" izateko duten eskubideari, eta uko egin diezaiotela gizarte-prestazioen murrizketari gastu militarra handitzeko.

 

 

Mobilizazioak

Otsailaren 26an eta 27an kalera irteteko deia egiten dugu:

• Otsailak 26:
  • Donostia: 18:30 h Boule.
  • Gasteiz: 19:00 h Andra Mari Zuriko plaza.
  • Bilbao: 19:00 h Plaza Biribila.
    
    
• Otsailak 27:
  • Iruñea: 19:00 h Udal plaza.

Gerrari ez! NATOri ez! Europari inposaketarik ez!
Bakea eta neutraltasuna Euskal Herria, Europa eta munduarentzat.

 

Sinatzaileak

Gerrarik Ez, KAKITZAT Koordinadora Antimilitarista, Emakumeok Gerraren Aurka-Mujeres Contra la Guerra, Gasteizkoak, Ciudadanía Contra la Guerra - Herritarok Gerraren Aurka, Paz y Solidaridad de Euskadi, Bakea ta Alkartasuna, Bake Goldeak, Bake Ekintza Antimilitarista, Kem- MOC Iruña, Centre Delás D'estudis per la Pau.

ELA Sindikatua, LAB Sindikatua, ESK Sindikatua, STEILAS Sindikatua, CGT LKN EH, CCOO de Euskadi, CNT Gipuzkoa. 

Ongi Etorri Erefuxiatuak, Mundubat, Gaurgeroa, Bakea Goldeak, Ateneo Republicano de Álava - ERAIKI- Arabako Errepublikar Ateneoa, Munizipalistok Gasteiz, Eguzkilore, Sorginenea Asociación casa de las mujeres de Gasteiz, Argitan, Berri Otxoak, Satorraiala, Eguzki Talde Ekologista, Ekologistak Martxan Bizkaia, Setem Hego Haizea, Bizigarri Zaramagako auzo elkartea de Gasteiz, Coordinadora de Sacerdotes de Euskal Herria, Herria 2000 Eliza, Mugarik Gabe.