Atzo, Mecaner enpresarentzako trantsizio ekosozialeko plana aurkeztu genuen, enpresaren etorkizuna klabe jasangarrietan bermatzeko neurriekin. Eusko Jaurlaritzari beharrezko inplikazioa eskatzen jarraitzen dugu.

 

« Plan honek, Industria-enpresen itxieren aurrean  alternatibak badaudela erakusten du  »

 

Atzo, ESK-k eta LABek Mecaner-entzako trantsizio ekosozialeko plana aurkeztu genuen jendaurrean Urdulizen. Txosten horretan, enpresarako trantsizio ekosozialeko proposamenak planteatzen dira, enpresa ixtea saihesteko eta etorkizunean bideragarria izango dela ziurtatzeko.

Plan hori Garua kooperatibak egin du, Mecaner-eko Enpresa Batzordeak eskatuta, eta Urdulizko Udalaren finantzaketari esker egin da.


Hemen deskarga dezakezu plana:

Trantsizio ekosozialeko plana Mecaner

Plan transición ecosocial Mecaner

 

«  Eusko Jaurlaritzari  inplikatzeko eskatzen diogu »

 

Alternatiba badago

Mecaner-entzako trantsizio-plan ekosoziala tresna bat da, euskal ekonomia jasaten ari den industria-enpresen itxiera mailakatuaren aurrean alternatibak daudela erakusten duena. Plan horrek Eusko Jaurlaritzari eta gainerako euskal erakundeei inplikazioa eskatzen die, Mecaner eta Uribe Kosta eskualdearentzako etorkizuna berma dezaten.

2023ko irailean iragarritako Stellantis multinazionalaren itxieraren eta  148 langileren kaleratzearen aurrean beste aukera bat dagoela erakusten du.

Martxoan irekiko da kontsultak egiteko epea. Aldi horretan, azterlan honen bidez, Mecanerren jarraipena planteatuko dugu, eta Eusko Jaurlaritzari inplikatzeko eskatuko diogu. Planak sektorearen eta enpresaren azterketa sakona egiten du, eta eskura dauden ezagutzekin, instalazioekin eta makineriarekin fabrikatu daitezkeen produktuak identifikatzen ditu, automobil-merkatuan nahiz merkatu horretatik kanpo egon daitezkeen aukerak aztertzeko, bidezko trantsizioaren printzipioekin bat etorriz.

 

Martxoaren 2an manifestazioa

Erakundeak interpelatzeko, Mecaner-eko Enpresa Batzordeak herritar guztiei dei egiten die Mecaner-en itxieraren aurkako eta enpresaren etorkizunean Eusko Jaurlaritzaren inplikazioaren aldeko manifestazio handi batean parte har dezaten.

 

Mecaner salba dezagun!  Mecaner ez itxi!

 

Erakundeek lanpostuak eta etorkizun industriala defendatu behar dituzte

Ia 60 industria-enpresatako enpresa-batzordeetako kideak Mecaner enpresako plantillarekin batera azaldu gara Eusko Jaurlaritzari exijitzeko bere industria-politikan aldaketak egin ditzala, sektorea Irakurri

Mecaner: hitzetatik ekintzetara pasatzeko ordua da

Mecanerreko Enpresa Batzordea Lan ministroarekin bildu da, enpresaren etorkizunean benetako inplikazioa eskatzeko. Ekintzetarako ordua da, ez hitz onetarako ordua. Irakurri

Mecaner-erako Trantsizio Ekosozialeko Plana argitaratzen dugu

Mecaner-eko enpresa-batzordearen gehiengoak publiko egin du egindako Trantsizio Ekosozialerako Plana, konponbideen bilaketarako tresna bezala. Irakurri

Stellantisek ez du proposamenik ez borondaterik Mecanerren etorkizunaz hitzegiteko

Stellantisek Mecaner ixtea nahi du deslokalizatzeko eta gaur egun dituen onurak gehiago handitzeko. Enpresa Batzordea ziur dago Mecaner bideragarria dela, Irakurri
  • 1
  • 2
  • 3

 

Palestinarekin elkartasuna

Afiliazioa sindikatua