Bost urtez hitzarmenik gabe egon ondoren, azkenean Gipuzkoako eraikinak eta lokalak garbitzeko probintzia-hitzarmena sinatu da. Akordio horrek ez ditu helburuak betetzen, eta ez da bultzatu sektorearen mobilizazio bateratua.

«  Gipuzkoako garbiketa-sektorearen indar mobilizatzailea  ez da bultzatu  »

ESK sindukatuan ez gatoz bat, azken aldiz negoziazio-mahaia ireki zenetik, negoziazioa gauzatzeko moduarekin. Saihestu egin da mobilizaziorako unitate bakar bat bilatzea eta patronalari aurre egiteko mobilizaziorako benetako indar bat aurkitzea.

Sektoreko hitzarmen honen negoziazioa nahita eten da urtebete baino gehiagoz. Zentroen araberako negoziazioaren aldeko apustua egin da, eta egoera prekarioagoan dauden langile asko ahaztuak izan dira denbora luzez. Garbiketa-sektoreko langileen banaketa sustatu da, batez ere indar mobilizatzailearena.

Negoziazio-mahaian hainbatetan errepikatu diren helburuak ez dira bete, ez da bermatu erosteko ahalmena berreskuratuko denik, eta ez da sektore hau kondenatzen duen partzialtasuna mugatu.

Denbora hainbeste luzatu denez, aldarrikatutako soldata-arrakala urteetan zehar handitu baino ez da egin. Soldata-izozte hori eta milaka emakumezko langileren arrakala-mailaren igoera jasanezinak ziren.

« Sektorearen  indarra berriro bateratu  behar da, benetan eraginkorra izan dadin probintziako hitzarmenari begira »

Negoziazioan benetako parte-hartzerik izan ez dugun arren, ELAk gehiengo osoa baitu hitzarmena sinatzeko, ESKk Gipuzkoako eraikinak eta lokalak garbitzeko hitzarmen probintziala sinatu du, langileak urteetan zehar inplikatu eta mobilizatu direlako eta urtez urte pobretutako sektore horren baldintzak hobetu direlako.

Gure aldetik, behin eta berriz eskatu da eta ahaleginak egin dira emakume langileentzat hain jasanezina den egoera hori desblokeatzea; beraz, gure sinadura beharrezkoa izan balitz, ESKk hitzarmen hau sinatuko zukeen.

Ezinbestekoa da azaldu dugun guztia hemendik aurrera aldatzea, edo arazo bat izango dugu hurrengo hitzarmenari begira. Lortu ez diren helburuak benetan bete daitezen, garbiketa-sektorearen indarra berriro bateratu behar da, eta hori beti bultzatu izan dugu, benetan eraginkorra izan dadin hitzarmen probintzialari eta enpresetan sortzen den edozein gatazkari begira.