Aurreakordio horrek lehendik zegoen soldata-eskala bikoitza ezabatzen du, soldata %27 handitzen du eta konpentsazio-ordainsariak bermatzen ditu gaurtik 2028ra arte.

« Langileak zoriontzen ditugu beraien  borroka nekaezinagatik  »

Gaur, irailak 13, irailaren 16an hasiko zen greba mugagabearen atarian, aurreakordio bat sinatu dugu ELA-ESK-CCOOk aurkeztutako itxiera proposamenaren ondoren. Zegoen soldata-eskala bikoitza kendu da, % 27ko igoerarekin eta konpentsazio-ordainsariekin, gaurtik 2028ra arte.

Hitzarmen hau Donostiako Udaleko eraikinen garbiketan lan egiten duten langile guztiei aplikatuko zaie.

Lehenik eta behin, eskerrak eman nahi dizkiegu langile guztiei egindako borrokagatik, maiatzean egindako grebarekin hasiz eta Donostiako Udalaren eta Gizatzen enpresa esleipendunaren aurrean egindako mobilizazio guztiekin jarraituz. Beste behin ere argi geratzen da borroka dela bide bakarra, plantilla honek historikoki erakutsi duen bezala. ZORIONAK!

Soldata-igoera

Urte askoan eraginkortasun mugatuko hitzarmen bat jasan ondoren, azkenean aurreakordio batera iritsi gara, honako eduki hauek izango dituen hitzarmen kolektibo bat ahalbidetzeko:

2023. urterako soldata-igoera %2 izango da. Igoera hori 2018-2021 aldirako eraginkortasun mugatuko akordioa aplikatzen zaien langileei aplikatuko zaie.

Langile horientzat ordainsari bakar eta ez-finkagarri bat sortzen da, hitzarmenaren testua REGCONen erregistratu eta hurrengo hilean ordaindu beharrekoa, 2021eko soldataren % 1aren baliokidea.

2024. urterako soldata-igoera %3koa izango da, eta 2018-2021 aldirako eraginkortasun mugatuko akordioa aplikatzen zaien langileei aplikatuko zaie.

Honako igoera hauek aplikatuko zaizkie langile guztiei, eskala bakar batekin, hurrengo kontratuaren esleipendunaren zerbitzua hasten den hilabetearen hurrengo hilabetetik aurrera:

• 2025. urterako soldata-igoera %5,5ekoa izango da. Garbitzailearen urteko soldata: 25.208,61 €
  
  
• 2026. urterako soldata-igoera %5,5ekoa izango litzateke. Garbitzailearen urteko soldata: 26.595,08 €
  
  
• 2027. urterako soldata-igoera %5,5ekoa izango da. Garbitzailearen urteko soldata: 28.057,81 €
  
  
• 2028. urterako soldata-igoera %5,5ekoa izango da. Garbitzailearen urteko soldata: 29.600,99 €

Hurrengo esleipenduna hasi ondoren, ordainsari bat ordainduko da, eta horren bidez %5,5eko igoera osorik konpentsatuko da urtarriletik aurrera.

Era berean, hitzarmen probintziala aplikatzen zitzaien langile guztiek, 2025etik aurrera, tauletan ezartzen den zenbateko bera kobratuko dute ordainsari baten bidez, hurrengo esleipenduna sartzerakoan, urteko soldataren % 1,7ko konpentsazio-ordainsariaz gain.

Bestelako hobekuntzak

Garraio-plusa: probintziako hitzarmeneko plusaren kopuru berdina izango da, eta hitzartutako igoerak aplikatzen zaizkio.

Lizentziak: langileek norberaren aukerako egun bat hartzeko eskubidea izango dute, eta, gainera, lizentzia onuragarrienak aplikatuko zaizkie.

Txanda-kontratua: Enpresak erretiro partziala izapidetzeko betebeharra izango du, betiere dagozkion legezko baldintzak betetzen badira. 2024. urtean, gehienez 4 egingo dira. 2025. urtetik aurrera ez da pertsonen mugarik egongo.

Berriz ere eskerrak eta zorionak eman nahi dizkiegu langileei, beren borroka nekaezinagatik. ZORIONAK!