Larrialdiak-Osakidetzak ohitura bihurtu du anbulantzia medikalizatuen eta Etengabeko Arretako Guneen txandak medikurik gabe uztea. Hori abuztuaren 5ean gertatu zen Arrasaten eta konpontzen ez bada gaur abuztuaren 10ean errepikatuko da.

« ZIU mugikor batek  ezin du halakotzat jardun  medikurik ez badu »

 
Emergentziak-Osakidetzan ohitura bilakatu da Bizi Euskarri Aurreratuetako anbulantziak medikurik gabe edukitzea, biztanleriari iruzur eginez, anbulantzia hauen eginkizuna medikurik gabe ezin baita egin. Egoera hau abuztuak 5eko gaueko txandan eman zen, 21:00tatik 9:00tara, Arrasateko anbulantzian medikalizatuan, eta egoera berdina errepikatuko da abuztuak 10eko gaueko txandan ere bai, eta Arrasateko anbulantzian.

Horretaz gain Emergentziak-Osakidetzako zentro koordinatzaileetako txanda asko medikurik gabe daude, 112 telefonoan artatzen diren deiak erizainak ari dira kudeatzen, horrela mediku batek hartu beharko lituzkeen erabakiak erizainak hartzera beharturik daude, inolako babes juridikorik gabe. 

Medikurik gabeko Etengabeko Arreta Guneak

ESKatik salatu dugun bezala, Bizi Euskarri Aurreratuak eta Zentro koordinatzaileetaz gain, Etengabeko Arreta Guneak (EAG) ere guztiz baztertu ditu Osakidetzak. Medikurik gabe, erizanak behartuak izaten ari dira beraien ardura ez diren erabakiak hartzera (Osakidetzatik erizanei gida bat helarazi diete). Paziente batek mediku baten arreta jaso nahi badu Emergentziak-Osakidetzako zentro koordinatzailera deitu behar dutela, zerbitzu hau gehiago betez. 

Pribatizazioa helburu

EAJak zuzendutako Osasun sailaren eta Osakidetzako  erakunde desberdinen kudeaketa negargarri honek Osasun publikoaren eta bertako langileen ospe-galtzea du helburu, pribatizaziorako bidea erraztuz.