Osakidetzak gida bat eman die erizainei mediku fakultatiborik ez dagoenerako. Gida horrekin aurpegia garbitu nahi du, murrizketetan eta profesionalen gabezian duten erantzukizuna lausotzen saiatuz.

«  Osasun Sailak iseka egin die  herritarrei eta Osakidetzako langileei »

Egun hauetan Osakidetzak gida bat eman die EAGetako eta Osasun Zentroetako erizainei. Gida horretan, mediku fakultatiborik ez dagoenean, bideratze-irizpideak eta arreta jasotzen duen pertsona bakoitza zein zentrotara eraman behar duen zehazten da, larritasunaren arabera.

ESKrentzat erabaki hau bai herritarrei bai Osakidetzako profesionalei iseka egitea da.

Pribatizazioak eta murrizketak

Sindikatu honek eta gizarte-eragileek deriba pribatizatzailea eta gure osasungintzako murrizketak urtero salatu ondoren, bereziki gure Lehen Arretan; uda guztietan ESKk ordezkapenen planifikaziorik eza, kontratazioen prekarizazioa eta erizaintzako profesionalek pairatzen duten segurtasun juridikorik eza salatu ondoren; egoera honen aurrean hartu duten neurri bakarra, erizaintzak ez dakien edo beste esparru batzuetan garatzen ez duen ezer planteatzen ez duen jarduera-gida bat da.

ESKren ustez, neurri honen bidez, Osakidetzak aurpegi-garbiketa egin nahi du, gure Osasun Zentroetako medikuntza-profesionalen gabezian eta gure Lehen Arretan etengabe eta kontzienteki egiten diren murrizketetan duen erantzukizun historikoa saihesten saiatuz.

ESK-k Gotzone Sagarduik zuzentzen duen Osasun Sailari eskatzen dio Osasun Publikoaren etengabeko narriadura bilatzen duten politika horiek bertan behera uzteko, gure Lehen Arretari giza baliabideak eta baliabide materialak emateko ezinbesteko neurriak har ditzan, horrela herrialde honetako herritarrek merezi duten osasun-arreta eman ahal izateko.