Trelleborg Izarran lortutako hobekuntzak borrokaren ondorioz lortu dira, eta ez Batzarraren erabakiak errespetatu ez dituenarena, ezkutuan sinatu duenarena eta langileei xantaia egin dienarena.

«  Lortutakoa  borrokaren emaitza  baino ez da, eta CCOOren traiziorik gabe, akordioa hobea zatekeen »

Gatazkaren hasieratik, bai Enpresa Zuzendaritzari bai plantillako pertsona batzuei ahoa bete hortz utzi zitzaien DEMOKRAZIA hitzarekin, eta antidemokratatzat eta are faxistatzat ere jotzen zituzten Greba Batzordea eta grebalariak, beren ekintzengatik.

Antidemokratikotzat jo zen greba-deialdia, Batzarrean gehiengo handi baten aldeko bozketan erabaki zena (CCOOk bere diskurtsoarekin zein aldeko botoarekin hartu zuen bere jarrera, eta beligerantzia handia erakutsi zuen “zentroan gertatzen diren bidegabekerien aurrean, bereziki karrera plan lotsagarriaren aurrean”).

Antidemokratikotzat jo zen grebarekin bat egin EZ zutenek eta emaitza demokratiko bati men egin EZ ziotenek grebalarien batzar eta bozketetan parte hartu ezin izatea, grebari bakarrik eragiten zioten erabakiak hartzen ziren bilerak.

Esan zen antidemokratikoa zela gatazka baten erdian abiatutako hauteskunde partzialetako delegatuen banaketa, funtsean ez zelako haiek nahi bezala ematen. Are gehiago, adierazi zen botoa emateko eskubidea kendu nahi geniela gainerako langileak bezalakoak ziren pertsonei, nahiz eta langile horiek Precoren azken bileretara joan Enpresaren ordezkari gisa.

Demokrazia hitza berea egin, greba antidemokratikotzat jo behin eta berriro…

Kontsultatu gabeko Eraginkortasun Mugatuko Ituna

Eta orain Eraginkortasun Mugatuko Itun bat agertzen da, Negoziazio Batzordearen %16,66k sinatua, ezer azaldu gabe, langileen batzarrik gabe, bozketarik egin gabe eta plantillari xantaia eginez Enpresa Zuzendaritzaren laguntzarekin. Eta pertsona horietako batek ere ez du DEMOKRAZIAZ hitz egiten eta gogoratzen. Are gutxiago CCOOk, bilera batean Enpresa Batzordearen eta plantillaren gehiengoa haiekin zutela esan zutenak.

Asanbladan sustatu zuten bozketa galdu ondoren plantillari galdetu gabe sinatu dutenek, greba babesten genuenoi plantillaren ahotsa onartzeko interpelatzen gintuzten; eta azkenean, CCOO izan da plantillaren gehiengoak behin eta berriz esandakoa onartu ez duena, bere jarduna lotsagarria izan da, sindikatuko aholkulariak ez du lotsarik izan eta bere ordezkariei egotzi dio erabateko traizioaren errua.

«  CCOO bitartekari gisa mozorrotu da eta  bere burua saldu du  »

Sinadura izkutuan

Argi geratu dena da, negoziazio-prozesu honetan zehar, batzuk une oro akordio justu eta atzerapausorik gabea lortu nahi izan duela egungo eta etorkizuneko plantilla osoarentzat, beste batzuk ez duela negoziatu nahi izan eta beste batzuk bitartekari gisa mozorrotu dela bere burua saltzeko, erakunde gisa zein pertsonalki.

Adierazi nahi dugu, halaber, Eraginkortasun Mugatuko Ituna CCOOri esker dela sinestarazi nahi izatea dela negoziazio-prozesu hau hainbeste markatu duten gezurretako azkena. Langile guztiek badakite beren sinadura merkeagoa zela, baina beren sinadura demokraziaz mozorrotzen saiatu zirenean, paripea gaizki atera zitzaien, eta ezkutuan sinatu behar izan dute, langileei xantaia eginez.

Borrokaren emaitza

Ez dugu zalantzarik lortutakoa borrokaren emaitza baino ez dela, eta CCOOen traiziorik gabe akordioa hobea izango zela.

Azkenik, eskerrak eman nahi dizkiegu Greba Batzordearen aldarrikapenekin modu batera edo bestera bat egin duten pertsona guztien inplikazioari eta parte-hartzeari, eta bereziki azken unera arte bertan egon diren grebalariei.

Bihotzez, mila esker eta gora Trelleborgeko borroka!

ELA, ESK, UGT