Kursaaleko garbitzaileek, batasunarekin eta mobilizazioarekin, hobekuntza ekonomiko nabarmenak dituen hitzarmena lortu dute.

 

 

« Borroka da bide bakarra eta funtsezkoa  langileen batasuna  »

 

Kursaaleko garbitzaileek soldata izoztuta zuten 2019tik. Ez zegoen langileen ordezkaririk zentro horretan, eta 2022ko ekainean hauteskunde sindikalak egin ziren. ESK sindikatuak irabazi zituen hauteskunde horiek, eta ordezkari bat aukeratu zen.

Garbiketa-zerbitzuaren enpresa esleipendunarekin (Servicios Auxiliares de Mantenimiento SLU, VECTALIA-SAMSA) hainbat bilera egin ondoren negoziazio-mahaian, ezin izan zen akordiorik lortu langileen nahiak betetzeko.

 

Greba mugagabea Kursaal-en

Horren aurrean, batzarrean erabaki ondoren, 2022ko azaroaren 7tik greba mugagabera jotzea erabaki zen. Langile guztiek bat egin dute grebarekin, eta hori funtsezkoa izan da akordioa lortu ahal izateko.

Plantillaren asmo nagusia soldata-igoera izan da, eta greban hainbat negoziazio eta elkarrizketa egin ondoren, enpresak honako eskaintza hau egin zuen, konsolidablea eta soldata-kontzeptu guztietarako:

  • 2022. urtea: % 5 2022ko azaroaren 1etik aurrera
  • 2023. urtea: % 4.
  • 2024. urtea: % 3,5.
  • 2025. urtea: % 2,5.

Horri honako berrikuspen-klausula hau gehitu behar zaio: 2023-2025 artean KPIa %10etik gorakoa bada, taulei diferentzial hori gehituko zaie, taulak eguneratuz 2026ko urtarrilaren 1ean, inolako mugarik gabe.

 

Batasunatik, akordiora

Planteatutako eskaintzaren aurrean, langileek aho batez erabaki zuten eskaintza onartzea, eta azaroaren 14an, astebeteko grebaren ondoren, hitzarmen kolektiboaren balioa duen akordio bat sinatu zuten. Alderdiek konpromisoa hartu dute hitzarmen kolektiboaren negoziazio-batzordearen azken akta idazteko, Servicios Auxiliares de Mantenimiento SA enpresaren I. hitzarmen kolektiboa erregistratu eta argitaratzeko.

Beste behin ere, agerian geratu da borroka dela bide bakarra, funtsezkoa izan delarik langileen batasuna eta langile guztiek egitea bat grebarekin hasieratik, Kursaal aurrean egunero mobilizatuz.

Besterik gabe, eskerrak eman nahi dizkiegu langile hauei babesa eman dioten guztiei eta langileei zorionak eman.

Lortu dugu!

 

Donostiako Udalak azpikontratatutako garbitzaileak grebara aterako dira

Gizatzen enpresari eskatu diote erosteko ahalmena bermatzeko eta Udalaren jarrera salatu dute erakunde publiko batetik lan bera egiten duten bi Irakurri

Bizkaiko Foru Aldundiak azpikontratatutako garbitzaileek grebei ekin diete

Bizkaiko Foru Aldundiko garbitzaile azpikontratatuek grebei ekin diete Bizkaiko Foru Aldundiko langileek dituzten soldatekin parekatzearen alde. Irakurri

Gipuzkoako eraikinak eta lokalak garbitzeko hitzarmen probintziala: berandu eta gaizki

Bost urtez hitzarmenik gabe egon ondoren, azkenean Gipuzkoako eraikinak eta lokalak garbitzeko probintzia-hitzarmena sinatu da. Akordio horrek ez ditu helburuak Irakurri

Correos oraindik ez dio Limpiezas J. Cordobari kontratua deuseztatu

Premiazkoa da jakitea nork ordaindu behar dituen garbitzaileei zor zaien soldatak. Correoseko arduradunen dimisioa eskatzen dugu eta helburuak lortu arte Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10