Bizkaiko metalgintzako sindikatuen arteko ekintza-batasuna haustea albiste txarra da, eta guztiei eskatzen diegu batasuna berreraikitzeko ahaleginak areagotu ditzaten.

Argazkia: Crónica Vasca

« Inoiz baino garrantzitsuagoa da mobilizazioaren eta greben pultsuari berriro ekitea,  metalaren hitzarmena  berme osoz
negoziatzeko »

ESK sindikatuaren ustez, Bizkaiko metalaren mahaian dauden sindikatuen arteko ekintza-batasuna haustea  albiste txarra da Bizkaiko metalaren industriako langile guztientzat. ESK-k sindikatu guztiak interpelatzen ditu batasuna berreraikitzeko ahaleginak areagotu ditzaten.

Ekainean eta uztailean egindako greba-egunen ondoren, inoiz baino garrantzitsuagoa da mobilizazioaren eta greben pultsuari berriro ekitea, metalaren hitzarmena berme osoz
negoziatzeko, sektoreko langileen erosteko ahalmena bermatzeko eta funtsezko beste gai batzuetan aurrera egiteko, hala nola lanaldian eta subrogazioan.

Nolanahi ere, ESK-k uste du ez dela etsipenean erortzeko unea. Guk borroka lantokietan eta kaleetan mantentzearen aldeko apustua egiten dugu. Ildo horretan, mobilizazioen eta greben bideari heldu nahi dioten erakunde sindikal guztiekin lan egiteko konpromisoa hartzen dugu.