ESK sindikatuak datorren apirilaren 7an STEILAS sindikatuak zentro publikoetan eta Partzuergoko Haurreskoletan deitutako lanuzteari babesa ematen diogula adierazten du.

Egun horretan bertan Legebiltzarrean bozkatuko da Euskal Hezkuntza Sistemarem Akordioaren hitzarmenaren oinarrien dokumentua. Gure ustez parlamentuko alderdi politiko gehienek adostutako dokumentu honek ez du eskola publikoarekiko benetako konpromezurik adierazten.

Euskal Eskola Sistemak erabateko aldaketa jaso behar duela uste dugu, dualtasunarekin (publiko -pribatu kontzertatua) amaituz eta eskola publikoari benetako lehentasuna eta behar duen finantziazioa emanez.

ESK-k uste du EAJ, PSE , EH Bildu eta Elkarrekin Podemos alderdiek sinatutako hezkuntza-itunak ez duela inolako aurrerapenik egiten publikoa benetako erdigunea izango den eskola-eredu baten alde. Ildo horretan, STEILASek deitutako mobilizazioak eta lanuzteak babesten ditugu, eta bertan parte hartzera animatzen ditugu gure afiliatuak eta, oro har, herritarrak.