Fundación Aliados-eko zuzendaritzak elkarrizketarako borondaterik ez duenez eta Bizkaiko Diputazioak ezer egin ez duenez, langileek egindako batzarrean, 5 eguneko greba egitea erabaki dute.

 

 

Dibertsitate funtzionala duten pertsonentzako Ibarrako Mercedaria egoitza-zentroak 80 pertsona baino gehiago jasotzen ditu. 43 langilek lan egiten dute zentro horretan. Langileen ordezkaritza LABeko bi ordezkarik eta ESK-ko batek osatzen dute.

Bizkaiko Aldundia da zerbitzu publiko horren titularra eta arduradun nagusia. Bizkaiko Aldundiak, hitzarmen baten bidez, Madres Mercedarias kongregazio erlijiosoaren esku uzten du zerbitzu horren kudeaketa. Era berean, Madres Mercedarias-ek enpresa bati utzi diote Ibarra Orozkoko egoitza-zentroaren kudeaketa: Fundacion Aliados.

 

« Fundación Aliados-ek  murrizketa larriak  ezarri ditu langileen lan-baldintzetan, eta plantillarekin zuen ituna aplikatzeari utzi dio »

 

5 greba egun Orozkoko Madres Mercedarias zentroan

 

Murrizketak Fundación Aliadosen

Fundación Aliados-ek murrizketa larriak ezarri ditu langileen lan-baldintzetan, eta plantillarekin zuen ituna aplikatzeari utzi dio. Murrizketa horien ondorioz, lanaldia handitu, jaiegun gehiagotan lan egin eta KPIaren igoera itundua ezabatu da.

Ordezkariek lantokiaren datu ekonomikoak eskatu dizkiote enpresari, eta elkarrizketarako bide bat ireki dute. Enpresak uko egin dio horri, eta bere kabuz ezarri ditu murrizketak. Fundación Aliados-ek eta Madres Mercenarias-en gardentasun eza are larriagoa da, zerbitzuaren titulartasuna Bizkaiko Aldundiaren ardura delako.

 

Bizkaiko Aldundiko erantzunkizuna

Sergio Murillo Bizkaiko Foru Aldundiko Gizarte Ekintzako diputatua egiten dugu egoera honen erantzule nagusi. Egoeraren berri dute eta beste aldera begiratzen dute, murrizketa horiek langileen eta egiten duten zerbitzu publikoaren baldintzak larriki okertzeak axola zaie.

 

5 greba egun Orozkoko Madres Mercedarias zentroan

 

« Enpresak eta Aldundiak  beste biderik  ez die uzten »

 

5 greba egun

Langileek hainbat mobilizazio egin dituzte enpresari elkarrizketa bidea ireki dezan eskatzeko eta Bizkaiko Aldundiaren inplikazioa eskatzeko. Fundación Aliados-eko zuzendaritzak elkarrizketarako borondaterik ez duenez eta Bizkaiko Diputazioak ezer egin ez duenez, langileek egindako batzarrean, 5 eguneko greba egitea erabaki dute, enpresak eta Aldundiak beste biderik uzten ez dietela ulertuta.

Grebak egun hauetan izango dira:

  • Urtarrilak 28
  • Otsailak 1, 4, 9 eta 11

Gizarte osoari egun horietan deituko ditugun mobilizazioak babestera dei egiten diogu. Eusko Jaurlaritzari exijitzen diogu ez dezala debekatu langileok dugun grebarako eskubidea, gutxieneko zerbitzu gehiegizkoak ezarriz.


Mercedarias Ibarrako Enpresa Batzordea (Orozko)

 

Aliados por la Integración fundazioa eta Madres Mercedarias salatutak

Aliados por la Integración fundazioa eta Orozko Ibarrako Madres Mercedarias salatu ditugu familiei gastuak kobratzeagatik eta Elikagaien Bankua beren sukaldeetarako Irakurri

Bost greba egun gehiago Orozkoko Madres Mercedarias zentroan

Fundación Aliados-ek poltsikoak betetzen ditu gure soldatak murriztuz eta zerbitzua okertuz; Bizkaiko Aldundia, berriz, burokrazia instituzionalaren atzean ezkutatzen da arazoa Irakurri

5 greba egun Orozkoko Madres Mercedarias zentroan

Fundación Aliados-eko zuzendaritzak elkarrizketarako borondaterik ez duenez eta Bizkaiko Diputazioak ezer egin ez duenez, langileek egindako batzarrean, 5 eguneko greba Irakurri

Orozkoko Madres Mercedariaseko murrizketei ez!

Bizkaiko Foru Aldundiak luzatu egin du Madres Mercedariasekin egindako hitzarmena, aldez aurretik jakinda zentroko langileen lan-baldintzetan izandako murrizketak. Irakurri
  • 1
  • 2