Urriak 23, larunbatarekin, Sare Herritarrak manifestazioa deitu du Donostian “Ibilian-ibilian, etxerako bidean” lelopean. ESKk deialdi honekin bat egiten du.

ESK sindikatuak bat egiten du deialdi honekin eta bide batez gure afiliatu eta oro har jendartea animatu nahi ditugu parte hartzera. Pertsona guztien eskubideak errespetatu behar dira baita preso dauden pertsonena ere. Aste honetan 10 urte bete dira ETAk bere aktibitatea bukatutzat eman zuenetik. 10 urte ere Aieteko deklarazioa izan enetik eta ESKn jakin badakigu egindako bidea zaila, mingarria eta motelegia izan dela askotan baina baita ere guztiz beharrezkoa. Bakearen bide honetan tinko jarraitu behar dugu, elkarbizitzaren aldeko apustua inoiz baino beharrezkoagoa da eta horretarako ezinbestekoa da korapiloak behingoz askatzea.

Dispertsioarekin bukatu behar dugu bai, eta zentzu horretan sindikatuak txalokatzen dituen pausuak eman badira ere legea betetzearen aldarrikapena beste behin ere egin behar dugu, salbuespen lege guztiekin bukatu behar da behingoz. Ez dugu pribilegiorik eskatzen, legea bete dadin, besterik ez da gure eskakizuna.

Beraz urriaren 23an,elkarrekin, salbuespen legeekin bukatzea eta euskal presoak haien ibilbidea bete dezaten aldarrikatuko dugu. Ibili-ibilian, etxerako bidean.

#IzanBidea