Europako mobilizazioekin bat egiten dugu, Europako Batzordeari bere jarrera aldatzeko eta mundu guztiarentzako txertoen ekoizpen masibo eta eskuragarria ahalbidetzeko eskatzeko.

MMEren ekainaren 8ko eta 9ko goi-bilerarekin bat eginez, Europa osoko hirietan mobilizazioak eta elkarretaratzeak egingo ditugu, COVID-19ren aurkako txertoen patenteek dakartzaten arazoak ikusarazteko eta Europako Batzordeari gai horren inguruan duen jarrera alda dezala eskatzeko, gaur egun oztoporik handiena izateari utzita, mundu osorako txertoen ekoizpen masibo eta eskuragarria ahalbidetuko lukeen neurri baten aurrean.

Eskatzen dugu

1. Osasuna denentzat
   Osasuna denon eskubidea da. Pandemia batean, ikerketak eta teknologiak modu zabalean eta azkar elkarbanatu beharko lirateke mundu osoan zehar. Enpresa pribatu batek ez luke ahalmenik izan behar tratamenduak eta txertoak nork eta zer preziotan jasoko dituen erabakitzeko. Patenteek enpresa bakar bati ematen diote oinarrizko produktu farmazeutikoen gaineko monopolioa. Horrek produktuen eskuragarritasuna murrizten du eta produktuen kostua handitzen du sendagai horien premia duten herritarrentzat.
   
   
2. Gardentasuna orain!
   Ekoizpen-kostuei, laguntza publikoei eta txerto eta sendagaien eraginkortasunari eta segurtasunari buruzko informazioak publikoa izan beharko luke. Erakunde publikoen eta enpresa farmazeutikoen arteko hitzarmenak argitaratu egin behar dira.
   
   
3. Diru publikoa, kontrol publikoa
   Zergadunek finantzatu dute txerto eta tratamenduen ikerketa eta garapena. Herritarrek ordaindu duten ondasunak herritarren eskuetan geratu beharko luke. Ezin diegu utzi enpresa farmazeutiko handiei baliabide publikoekin garatu diren funtsezko osasun-teknologiak pribatizatzen.
   
   
4. Diru-irabazirik ez pandemiaren kontura
   Enpresa farmazeutiko handiak ez lirateke aberastu behar pandemia honetan herritarren osasunaren kontura. Mehatxu kolektibo baten aurrean elkartasuna behar da, eta ez merkantilismo pribatua. Funts publikoak jaso nahi badira, eskuragarritasun eta ordaingarritasun bermeak eman behar dira. Industria farmazeutikoari ez genioke utzi behar gizarte-segurantza sistemak arpilatzen.

Elkarretaratzea Bilbon

Bilbon elkarretaratzea egingo dugu ekainaren 9an, 19:00etan, Arriaga Plazan.

#VacunasParaTodasYa        #TxertoakGuztiontzatOrain