ESK-k bere garaian salatu zuen Osakidetzaren estrategia. Adineko pertsonei SMS bat bidaltzea webgunearen bidez beren burua zitatu dezaten ez da eraginkorra.

Antolakuntza-kaosak jarraitzen du, Covid-19ren aurkako txertoa hartzeko hitzordua lortzeko. ESK Sindikatuak bere garaian jada salatu zuen Osakidetzaren estrategia, hau da, SMS bat bidaltzea adinez nagusi diren pertsonei web bidez auto-zitazioa egin dezaten, eraginkorra ez izateagatik.

Gotzone Sagardui Osasun sailburuaren autokomplazentziaren gainetik, sistema hau goraipatu eta kosta ahala kosta mantentzen saiatzen delarik, errealitateak aurka egiten dio. Eten digital izugarria dagoela erakusten duen errealitatea hain zuzen ere. Gure nagusiak senideen edo adin txikiagokoko lagunen mende egotera behartzen dituen errealitatea. “Infantilizazioa” sustatzen duen errealitatea. Guztiek ez dituzte gailu mugikor egokiak edo Interneterako sarbidea.

Zailtasun horien aurrean gure nagusiak beren Osasun Zentroetara joaten dira, ezin da beste modu batera izan, eta ondorioz, gainezka egiten dute, kaosa eta kolapsoa eragiten dituzte Bezeroen Arretarako Eremuetan; Berez gainezka dauden eta langile gabezi kezkagarria pairatzen dituzten eremu hauek, lan-karga onartezinak jasaten dituzte. Egoera horrela, gatazka eta eztabaidak sortzen dira, gure lankideen erasoak jasotzeko arriskua areagotuz, duela gutxi Bilbao-Basurto ESIan, Areilza-Indautxu anbulatorioan, gertatu zen bezala.

ESKrentzat, irtenbidea administrazio arlo horietan langile gehiago jartzea da Osasun Zentroek prestatu ditzaten herritar-xedeen zerrendak, beraiek baitira artatzen dituzten erabiltzaileen errealitatea ezagutzen dutenak, eta txertaketa guneetarako hitzorduak eman dezaten.