Gizarte Segurantzaren Institutu Nazionalak ehunka langileri alta ematen ari die, azterketa medikorik egin gabe.

Iraupen luzeko bajen prozesuetan, egoera horretan dagoen pertsona 12 hilabetera iristen denean, beharrezkoa da GSINren kargurako ebaluazio mediko bat gainditzea, bajaegoera horren luzapena zehazteko edo langilea altan jartzera behartzeko.

Azterketarik gabe

GSINek talde horri aurrez aurreko mediku-azterketarik ez egitea erabaki du, eta, horren ondorioz, ehunka langileri automatikoki alta ematen ari zaie, behar bezala baloratu gabe eta beren eskubideak gauzatu gabe.

GSINren aldetik, jokabide arduragabea dugu; izan ere, langileen osasun-egoera edozein dela ere, oraindik tratamendu medikoa behar duten edo sintoma desberdinengatik edo biengatik lana egin ezinik jarraitzen duten langile askori ematen zaie alta.

Osakidetzak ez ditu bere datuak partekatzen

Egoera hori larriagotu egiten da Osakidetzaren aldetik ez direlako langileen datu eta txosten guztiak GSINren datu-basera iraultzen ari, ezta formatu fisikoko paperik, txostenik eta emaitzarik ematen ere, ondoren GSINk jasotako alta-erabakiaren aurkako errekurtsoa jarri ahal izateko, eragindako langileei defentsa-gabezia ikaragarria eraginez.

Ezinbestekoa da Gizarte Segurantzaren Institutu Nazionalari eta Osakidetzari behar adina langile eta baliabide ematea, kolapso administratiboari aurre egin ahal izateko. Irtenbidea ez da izango zerbitzuak emateko ezintasunean jarraitzen duten eta, gainera, laguntza medikorik gabe uzten zaizkien langileei alta ematea.