Oinarri hauekin, pentsioen etorkizuneko erreformak are gehiago urrunduko gaitu pentsio-sistema publiko duin bat finkatzea ahalbidetuko duten aurrerapausoak proposatzetik. Abenduaren 5ean mobiliza gaitezen!

Azaroaren 19an, Diputatuen Kongresuko Osoko Bilkurak Toledoko Itunaren txostenaren ondorioak gehiengoz onartu zituen. Horrenbestez Espainiako gobernuak, CCOO, UGT eta patronalekin itunak egiten saiatu ondoren, pentsio-sistemaren erreforma berri bati aurre egiteko oinarri gisa erabiliko du.

Murrizketak, funts pribatuak eta pentsio duinaren bermerik gabeak

ESK propio egiten dugu Toledoko Itunaren Txosten honen azterketa eta balorazioa, Euskal Herriko Pentsiodunen Mugimenduak argitara eman duena:

1. Pentsio sistemaren aurreko bi erreformetako (2011 eta 2013) murrizketa guztiak finkatzen dira.
   
   
2. Pentsioen zenbatekoetan etorkizunean murrizketak egitea ahalbidetzen duen iraunkortasun-faktoreari eusten zaio.
   
   
3. Ez da aurrera egiten ez 1.080 euroko gutxieneko pentsioa bermatzeko, ez eta pentsioetan generoen arteko aldea murrizteko ere.
   
   
4. Pentsio-funts pribatu indibidualak eta kolektiboak sustatzen dira, finantza-botereei eta diru publikoa duten errenta handieneko pertsonei mesede eginez.
   
   
5. Pentsioen Funts Publikoaren kudeaketa pribatua aipatzen da, finantza-botereei eginkizun nagusia emango diena.

Abenduaren 5ean mobilizazioak pentsioen alde

ESKren ustez, albiste txarra da pentsioen erreforma berri hau, aurrerapausorik proposatzen ez duena, ezkerreko alderdien akordioarekin (PSOE, Podemos, IU...) eta EH Bilduren abstentzioarekin sortzea.

ESK-k uste du oinarri horiekin pentsioen etorkizuneko erreformak are gehiago urrunduko gaituela pentsio-sistema publiko bat finkatzea ahalbidetuko duten aurrerapenak lortzetik, egungo pentsiodunei zein etorkizuneko pentsiodunei duintasuna bermatuko dizkena.

Horregatik guztiagatik, Euskal Herriko Pentsiodunen Mugimenduak Toledoko Itunaren Txostenaren aurka mobilizatzeko deia egin du ESK-k, eta datorren larunbatean, hilak 5, Bilbo, Donostia eta Gasteizko kaleetan eta EAEko hainbat herritan egingo diren mobilizazioekin bat egiteko deia egin die bere afiliatu guztiei.

Gobernatzen duenak gobernatzen duela, pentsioak defendatzen dira!!