7 neurri proposatzen ditugu 2021eko euskal aurrekontuak aberastasuna banatzera, zerga-sistema progresibora, zerbitzu publiko bermatuetara eta desberdintasunaren, pobreziaren eta bazterketaren aurkako borrokara bideratzeko.

 

presupuestos vascos 2020 euskadi

 

7 neurri

  1. Zerbitzu publikoak garatu.

    • Zaintza lanen (zahar egoitza, eguneko zentro, aniztasun funtzionala duten pertsonentzat egoitza-elkarte, adintxikikoen bizileku eta etxez etxeko zerbitzuak), osasungintza publikorako lanean ari diren zerbitzuen, administrazio publikoek (hezkuntza publikoa, osasungintza…) azpikontrataturiko zerbitzuen (garbiketako, hezkuntzako monitoreak, jantokietako langile-hezitzaileak...) eta anbulantzia zerbitzuen berehalako publifikazioa, langile guztien subrogazioa eta finkatzeko salbuespenezko prozedura bat bermatuz. Esparru hauetako lan baldintzak langile publikoen lan baldintzekin parekatzea. Horretarako beharrezko partidak bideratzea.

    • BPGaren %6 hezkuntzara bideratzea. Hezkuntza publiko, euskaldun, plural, laiko, doakoa eta aniztasuna integratuko dituena ardatz izango duen euskal hezkuntza sistema propio eta inklusibo bat berma dadin.

    • BPGaren %7 osasungintzara bideratzea.

  2. Zaintza eredua aldatu eta jaiotzatik heriotzara zaintza bermatuko duen kalitatezko zaintza sistema publiko, unibertsal eta doakoa bermatzeko administrazioek 10.000 lanpostu sortzea eta horretarako beharrezko partidak bideratzea.

  3. Pobrezia eta bazterketa sozialaren kontrako HELean planteaturiko neurriak.

    • DSBEa eta EBa gutxieneko soldataren %100a.

    • Etxebizitza eskubidea.

  4. 1080 eurotako gutxieneko diru-sarrera erretiroa hartua duten pertsonentzat.

    • Pentsioak 1080 arte osatzeko neurriak hartu/partidak bideratu.

  5. 1200 euroko gutxieneko soldata / 35 orduko gehienezko lanaldia sektore publikoko azpikontrata guztietan bermatzea.

  6. Proposamen honek suposatzen duen gastu igoera guztia eta testuinguru honetan sortuko den zor publiko guztia errenta altu, kapital-errenta eta enpresen irabazien gaineko zergen kontura izatea:

    1. Aberastasunaren jabetza zergapetzea: Gaur egun, aberastasunaren gaineko fiskalitatea hutsala baino ez da, eta, beraz, premiazkoa da aberastasun metatuaren gaineko zerga eraginkorra izatea. Helburua: baliabide publikoak berreskuratzea, aberastasun handiei presioa eginez.

      • Berehala, errekargu espezifiko bat ezartzea, progresiboa izango dena eta %1 eta %10 artekoa.

      • Zerga aldatzea: ondarearen gaineko zergaren tarifa bikoiztea; hobariak kentzea eta salbuetsitako gutxienekoa 350.000 eurotan kokatzea. Zerga honen eta PFEZren zerga osoaren muga ezabatzea.

    2. Sozietateen gaineko zerga: lortutako etekinen arabera ere ordaindu behar dute enpresek.

      • Zergaren kenkari eta pizgarri fiskal guztiak ezabatzea.

      • Zerga tasa %35era igotzea.

      • Errekargu berezi bat ezartzea Sozietateen gaineko Zergaren aitorpenean, 2019ko irabazien %20koa.

      • Zerga erabiltzeari uztea lurraldeen arteko lehia fiskala elikatzeko, eta zerga-paradisuen eta etekinen desbideratzearen aurkako borroka gogortzea.

    3. PFEZ progresiboagoa:

      • Kapitalaren tarifa espezifikoa kentzea, errenta-iturri guztiek tratamendu bera jaso dezaten eta karga progresiboko eskala berari lotuta egon daitezen.

      • Zergaren progresibitatea handitzea, gehieneko tasa marjinala % 60ra igoz eta tarifa-tarteen kopurua handituz.

    4. Oinarrizko produktuei BEZa murriztea eta luxuzko produktuetan BEZa handitzea.

    5. Zerga-arloan erabakitzeko eta ezartzeko gaitasun osoa aldarrikatzen dugu.

  7. Administrazio-egoera irregularrean eta ezkutuko ekonomian lanean ari diren pertsona guztien erregularizazioa bermatu.

 

Mobilizazioak

Abenduaren 13an manifestazioak 12:00etan.

  • Donostia: Alderdi Eder.

  • Gasteiz: Andra Mari Zuria.

  • Bilbo: Eusko Jaurlaritza.

#LehenikBizitza

 

Eusko Jaurlaritzaren 2021eko aurrekontuen aurkako protesta

Euskal Herriko Eskubide Sozialen Kartak arbuiatu egin du Eusko Jaurlaritzaren aurrekontu proiektua eta otsailaren 11rako mobilizazioa deitu du Gasteizen. Irakurri

A-13 kalera! Ondasuna banatu, zerbitzu publikoak garatu

Aberastasuna banatu, zerbitzu publikoak garatu eta eskubideak bermatu. Aurrekontu sozialak, parte-hartzaileak eta subiranoak. Abenduaren 13an manifestazioak Donostian, Gasteizen eta Bilbon. Irakurri

Pobrezia eta bazterketa, Giza Eskubideen inguruko arazoa

Berriro diogu Euskadin pobrezia-, bazterkeria- eta desberdintasun-egoerak prebenitzean eta behar zehatzei erantzutean oinarritutako gizarte-babeseko sistema bat lantzeari eta sustatzeari. Irakurri

EAEko 2021.eko aurrekontuetarako ezinbestekoak diren 7 neurri

7 neurri proposatzen ditugu 2021eko euskal aurrekontuak aberastasuna banatzera, zerga-sistema progresibora, zerbitzu publiko bermatuetara eta desberdintasunaren, pobreziaren eta bazterketaren aurkako Irakurri
  • 1
  • 2
  • 3
  • 4

 

8 hildako + desagertu 1 2021an

lan istripuetan

Afiliazioa sindikatua