Irailaren 15ean greba deialdia Hezkuntza arloko azpikontratetan. Garbiketaren, eskola-jantokien eta eskola-garraioaren kolektiboak feminizatuak, ikusezinak eta prekarizatuak gara.

 

 

 

ELA, LAB, CCOO, UGT eta ESK sindikatuek greba deitu dute irailaren 15erako EAEko hezkuntza arloko azpikontratetan (garbiketa, eskola-jantokiak eta eskola-garraioa), bat egin dute irakaskuntza osorako deialdiarekin.

Sindikatu horiek segurtasun-neurriak planifikatzea eta garatzea eskatzen dute lana bermeekin egin ahal izateko, eta, aldi berean, Hezkuntza Sailari eskatzen diote eraginpeko kolektibo guztiekin negoziatzeko eser dadila, segurtasun baldintzetan irakastea bermatzeko irtenbiderik onena bilatze aldera, lanpostu guztiak eta horiek betetzen dituztenen osasuna babeste aldera.

 

Kontingentzia-plana

Deialdia egin duten sindikatuek salatu dutenez, azken hilabeteetan bilerak eskatu dizkiete Hezkuntza Sailari eta azpikontratatutako enpresei, ikasleen eta langileen segurtasuna bermatuko duten kontingentzia-planak negoziatzeko.

Abuztuaren amaieran, Hezkuntzako sailburuak iragarri zuen aurrekontu-partida gehigarri bat bideratu zela garbiketa-zerbitzurako, egungo egoerari erantzuteko. Hala ere, kontratatu diren errefortzu apurrak neurri epelak dira ehunka ikasle hartzen dituzten ikastetxeak desinfektatzeko. Gainera, gaixotasunagatiko bajak bete gabe daude oraindik.

Eskola-jantokiei eta eskola-garraioari dagokienez, gaur egun, aldizkako kontratu finkoak dituzten langile guztiekin, ez dute negoziatzen eta ez dute azaltzen nola antolatuko diren zerbitzuak. Argi dago baliabide gehiago behar direla, langile gehiago kontratatu behar direla eta ratioak jaitsi behar direla zerbitzu segurua eta kalitatezkoa eskaintzeko.

 

Informaziorik gabe

Gauzak horrela, sindikatuek salatu dute gaur egun ez enpresek ez Hezkuntza Sailak ez dutela horri buruzko informaziorik ematen, eta, beraz, milaka langilek ez dakitela zein baldintzatan eta zein neurrirekin hasiko diren lanean, hasten badute behintzat.

Hezkuntza-arloko azpikontratetako greba-deialdi honek (garbiketa, eskola-jantokiak eta eskola-garraioa) lan horiek irakaskuntza presentzialean duten garrantzia ikusarazi nahi du.

 

Deialdiak

  • Ostegunean, irailaren 10ean, arratsaldeko 18:00etan Arriaga Antzokian, Bilbo.
  • Ostiralean, irailaren 11ean, 11:00etan, Arriaga Antzokian, Bilbo.

 

ELA-LAB-CCOO-UGT-ESK

 

La Pau anbulantzietarako zigor berri bat

Arabako Lan Ikuskaritzak 12.000 euroko zehapena jarri dio berriro Ambulancias La Pau enpresari, laneko arriskuen prebentzioaren arloko bi arau-hauste larri Irakurri

Grupo La Pauk iragarritako errefortzuz berririk ez

Ez dugu inolako errefortzuren berririk, eta, hala izan balitz, ez zukeen legerik beteko. Enpresa pirata honek kontratazio-agiriak bete behar ditu Irakurri

De Miguel kasua: enpresa publikoak eta klientelismoa Euskadin

Alfredo de Miguelen kasua porrot sistemiko baten froga da. Beste funtzionamendu mota bat eskatzen dugu euskal enpresa eta fundazio publikoetan. Irakurri

Garraio sanitarioak lan-baldintzak eta kalitatezko zerbitzua bermatu behar ditu

Euskal osasun-garraioa kudeaketa publikokoa izatea eskatzen dugu; bitartean, plantillen lan-eskubideak eta zerbitzuaren kalitatea bermatzeko eskatzen diogu Osakidetzari. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27