Euskadiko CCOOk igorri zuen prentsa oharrak ez dauka inolako neurririk ez zorroztasunik. Eman diezaiogun balioa batasuna eta aniztasuna erretiratu eta pentsiodunen euskal mugimenduari.

 

 


Iragan astean harriduraz irakurri geunen Euskadiko CCOOko zuzendaritzak sinatutako prentsa oharra. Bertan, Euskal Herriko Eskubide Sozialen Kartak iragarritako mobilizazio kanpainari buruzko adierazpenak plazaratu zituen, Hego Euskal Herrian greba orokorra egiteko deialdiarekin burutuko dena 2020ko urtarrileko bigarren hamabostaldian.

Gure ustez, Euskadiko CCOOk asteazkenean, urriak 23, igorri zuen prentsa oharrak ez dauka inolako neurririk ez zorroztasunik, eta halaber, garrantzizko informazioa ezkutatzen die bai herritarrei baita CCOOko militanteei ere.

 

Kontatua erakunde guztiekin

Euskadiko CCOOk aipatzen ez duen gauzarik kezkagarriena da Euskal Herriko Erretiratu eta Pentsiodunen Mugimenduak hainbat hilabete daramatzala SINDIKATU GUZTIEKIN hitz egiten. Elkarrizketa horien helburua Araban, Bizkaian, Gipuzkoan eta Nafarroan espektro zabaleko mobilizazioak sustatzea izan da, pentsiodun pobrerik ez egotea bermatuko duen pentsio- sistema publiko bat eskatzeko. Pentsiodunen mugimenduak, gainera, beste aldarrikapenen artean, enplegu duinaren aldeko proposamenak zituen; hain zuzen ere, 1.200€-ko lanbide arteko gutxieneko soldata aldarrikatzen zuen.

Pentsiodunen mugimenduarekin izandako kontaktuetan ANTOLAKUNDE SINDIKAL GUZTIEK jaso dugu bi mobilizazio mugarri sustatzeko gonbidapena: datorren azaroaren 16ko manifestazioak eta urtarrileko mobilizazio orokorraren deialdia. Euskal Herriko pentsiodunen mugimenduak proposamen hori berretsi zuen iragan urriaren 18ko batzarrean, Gasteizen, eta hala adierazi zuen Bilbon urriaren 22an, asteartean, egindako prentsaurrekoan. Zeuek izango zarete proposamen horri emango diozuen erantzuna azaldu beharko duzuenak.

ESKtik egin dezakeguna, guk geuk egindakoaren berri ematea da. Pentsiodunen mugimenduari argi eta garbi erantzun genion: ESKren babesa daukate mobilizazio programa bultzatzeko, eta gure prestasun osoa daukate ekimen zabala eta masiboa izan dadin norabide horretan lan egiteko.

CCOOtik fronte nazionalista baztertzailea aipatzen duzue, eta hori diozuenean, inondik ere partekatzen ez dugun kontakizun bati eutsi nahi diozue. Egia da azken hilabeteotan hainbat gatazka sindikaletan marko bateratuetan aritu garela, eta izugarri pozten gaitu horrek. Baina hala ere, horrek ez ditu ezkutatuko ESK bezalako sindikatu bat eta CCOOren estrategia banantzen dituzten motibo boteretsuak. Guk ere egin dezakegu, haizagailua piztu dezakegu eta mezu pozoituak bota, baina ez dugu egingo; garaile izango diren bakarrak patronala eta aberats zein boteretsuen interesen aldekoak izango dira.

 

Aniztasuna eta batasuna

ESKtik hausnarketa xume eta ulerterraza helarazi nahi dugu. Eman diezaiogun balioa batasuna eta aniztasuna erretiratu eta pentsiodunen euskal mugimenduari, eman diezaiogun balioa, baita ere, mobilizatzeko eta irauteko gaitasunari, eta baita haien ekimenari berari ere, pentsioen aldeko borroka ez dadin izan soilik egungo pentsiodunen kontua.

ESKn, Euskal Herriko Eskubide Sozialen Kartaren parte garen neurrian, pentsiodunen planteamenduekin bat datorren mobilizazio kanpaina abiatu dugu. Hemendik aurrera, ez dago arrazoirik Euskadiko CCOOk ekimen honi erantzun positiboa ez emateko. Lagunok, hemen ez dago betorik, ez dago bazterketarik. Hemen borondatea besterik ez dago, eta zorionez, oraindik garaiz zabiltzate zuena ere batzeko. Pentsio-sistema publikoaren etorkizunerako eta enplegu eta gizarte zerbitzu duinen borrokarako ezinbestekoa da guztiok kale eta lantokietan bat egitea.

ESK-KO KORDINAKUNDE NAZIONALA

Eusko Jaurlaritza eta Podemos-en aurrekontuek biluzik uzten digute

EAEko 2020. urterako aurrekontuek murrizketa sozialak eragiten dituzte eta, aldi berean, ehunka milioi euro xahutzen dira obra faraonikoetan eta gastu Irakurri

Mugimendu Feminista Greba Orokorrarekin bat

Greba orokorrean, mugimendu feministak bizitzako erdigunean jarri nahi ditu, indarkeriari, parekidetasun ezari, prekarietateari, sexualitate eredu hegemonikoei, lanen sexuaren araberako banaketari, Irakurri

Euskal Herriko Eskubide Sozialen Kartaren topaketaren adierazpena

Euskal Herriko Eskubide Sozialen Karta Euskal Herrian aldaketa sozialaren alde gauden eragile sindikal eta sozial ezberdinak batzeko helburuarekin sortu zen. Irakurri

Urtarrilak 30 Greba Orokorra

Hemen aurki ditzakezu zure lantokian, zure herrian edo auzoan urtarrilaren 30eko greba orokorra prestatzeko beharrezkoak diren euskarri guztiak. Irakurri
  • 1
  • 2
  • 3

 

Berri gehiago

6 hildako 2020an

lan istripuetan

U30 grebarako tresnen kutxa

Agenda

30
Urt
Date: 30 urtarrilak 2020
Urtarrilak 30 greba orokorra pentsio, lan duina eta eskubide sozialen alde.