Ez dugu onartzen SUGAAR tabernako nagusiak bere langileekiko duen portaera bortitza lanean eta kalean.

«  Jabeak kolpe bat eman zion  langileari eta mugikorra lurrera bota zion »

Getxoko SUGAAR tabernan gaur egun ematen ari den egoera larria salatzen dugu. Jabeak (duela urtebete pasatxotik negozioa kudeatzen duen pertsonak) portaera eta forma okerrak ditu bere langileekiko, eta hau ez dugu minutu bat gehiago ere onartuko.

Emakume gazteak kontratatzen ditu, asko paperik gabeak, eta tabernaren esanetara egotera behartzen ditu, sektorea erregulatzen duen araudia errespetatu gabe: lanaldi osoa lan egitea lanaldi erdiarako kontratatuak daudenean, txanda-aldaketak aldez aurretik kontsultatu gabe, eta abar. Okerrena da egoera hori zalantzan jartzea erabakitzen dutenean tratu txarrak jasotzen dituztela eta kaleratzeekin mehatxatzen dituztela. Hori nahikoa ez balitz, interpelatu egiten ditu kalean lan-ordutegitik kanpo egonda. Azken arrazoi horregatik, gure herrian bizitzen ari den egoera publiko egitea erabaki dugu.

Ez lanean, ezta kalean ere

Langileak lan-erreklamazioa jarri ondoren (Bizkaiko ostalaritza-hitzarmenak ezarritako minimo bakar bat ere betetzen ez duelako), 'jabeak', emakume hori kalean zegoela, haren aurka egin zuen modu mehatxagarri eta oldarkorrean eta oihuen artean langileari kolpe bat eman zion, bere mobila lurrera botaz. Emakumea bere lan-eskubideak aldarrikatu izanaren arrazoi bakarragatik (lan egindako ordu guztiak ordaintzea) erasotua izan zen.

«  Ez dugu onartuko  laneko prekarietatea muturreraino sustatzen duten praktikak errepikatzen jarraitzea »

Negozioa emakume ahulenen kontura

Hau da gure herriko SUGAAR TABERNA establezimendua kudeatzen duen pertsona mota: emakume ahulenen bizitzaren kontura negozioa egin nahi duen norbait.

Salaketa jarrita dago, baina epaia ebazten ez den arte, ez gara isilik geratuko. Ez dugu onartuko laneko prekarietatea muturreraino sustatzen duten praktikak errepikatzen jarraitzea. Eta ez diogu uko egingo bidezkoa dena erreklamatzeari, ezta horregatik erasotuak izatea onartzeari ere.

Erasorik ez erantzunik gabe!

Getxoko Mugimendu Feminista