Urtarrilaren lehen hamabostaldia oraindik pasatu ez, eta dagoeneko lehenengo erailketa matxistaren izan dugu Tuteran. Estrukturala den arazo baten aurrean gaude eta premiazkoa da hau zuzentzea.

 

Tuterako hilketa matxista salatzeko elkarretaratzeak

 

Aurtengo urtea, 2022a ere, ez da urte erraza izango. Urtarrilaren lehen hamabostaldia oraindik pasatu ez, eta dagoeneko lehenengo erailketa matxistaren berri izan dugu. Tuteran gertatu da, Sara Yaregi zuen izena, eta Cortesekoa zen, garbi dago emakumeen aurkako indarkeriak ez duela etenik.

Feministok behin eta berriro esango dugu, estrukturala den arazo baten aurrean gaudela. Gizarte osoaren arazoa den hau, emakumeon gorputzetan gorpuzten da. Nazkatuta gaude behin eta berriz berdina oihukatzeaz, ez gara isilduko.

 

« Gizarteak aldaketa beharra dauka eta  jarrera matxistak eta sexistak  behingoz amaitu behar dira »

 

Gizartea eraldatzeko baliabideak

Berriz ere baliabideak eskatuko ditugu instituzio publikoetan, eraldaketa soziala lortu nahi badugu, alderdi ezberdinetatik lan egin behar dugu denok batera. Gizarteak aldaketa beharra dauka, eta jarrera matxistak eta sexistak behingoz amaitu behar dira.

Lehenengo eta behin, osasungintza, hezkuntza, eta justizia publiko eta unibertsal bat behar dugu, izan ere babestu behar gaituztenen joko- arauak berriro porrot egin du. Zerbitzu publiko osasuntsuak eta biolentziarik gabeko espazio seguruak behar ditugu, pairatzen dugun biolentziak erreproduzitzen jarrai ez dezan. Gizarte sozial moduan gure espazioetan eraldaketa bultzatu behar dugu, erasoak salatu behar ditugu, espazio seguruak bermatu behar ditugu, ekimen desberdinak bultzatu behar ditugu...guzti honetarako indarrak batu, eta eraldaketa bultzatu behar dugu.

Denon artean lortuko dugu. Borroka hau geldiezina da, eta feministok beti izango dugu indarra eta ausardia aurrera egiteko, izan direnengatik eta izango direnengatik. Feministok gizarte hobeago batean sinisten dugulako - arrazakeria, biolentzia eta gorrotorik gabekoa-, denok bizitza duin bat nahi dugulako, eta horretarako eskubidea aldarrikatzen dugulako.

GORA BORROKA FEMINISTA!


Euskal Herriko Emakumeon Mundu Martxa

 

Euskal Herriko Mugimendu Feministak zaintzarako eskubide kolektiboa aldarrikatu du

Gaur Mugimendu Feministak hainbat ekintza egin ditu erakundeen erantzukizuna ardatz hartuta. Gainera, auzo eta herrietan greba batzordeak martxan jarriko dituztela Irakurri

Azaroaren 30ean Greba Feminista Orokorra

ESK sindikatuak bat egiten du Euskal Herriko Mugimendu feministak, azaroaren 30ean iragarritako Greba Feminista Orokorrarekin. Irakurri

Postureorik ez. Berdintasun politika eraginkorrak orain!

Martxoaren 8ko puntu moreak ez dira nahikoak. Enpresen eta erakundeen postureoa, borroka feminista despolitizatzeko baino ez da erabiltzen. Benetako neurriak Irakurri

Lantokietako indarkeria matxistaren aurrean, begiak ireki eta jardun

Lantokietako indarkeria matxista oso gutxi salatzen da eta normalizatuta, onartuta eta ikusezin eginda dago. Ezin dugu utzi egoera horiek gure Irakurri
  • 1
  • 2
  • 3
  • 4
  • 5
  • 6