Osakidetzak lan-eskaintza publiko bat deitu du betetzeko zailak diren lanpostuetarako, baina Osakidetzako langileen harridurarako, Lehen Mailako Arretako kategoria medikoak eta osasun mentaleko psikiatrentzat soilik. Osasun Sailak eta Osakidetzako Zuzendaritzak lanbide-kategoria bakar hauetan arazoari heldu nahi izan diote, gainerakoak alde batera utzita, lanpostu jakin batzuk betetzeko zailtasuna beste kolektibo batzuetan ere gertatzen ari denean. Jarduera horrekin, osasun-arloko profesionalen arteko desberdintasunak areagotzea baino ez du eragiten Osasun Sailburuak.

Zenbaitentzako ustezko hobekuntzak

EPE hori iragarri zutenean, prozesu horretan plaza lortzen zuten langileek lan-hobekuntzak izango zituztela hitzematen zuten, haientzat bakarrik izango zirenak. Gainera ustezko hobekuntza horiek ez daude inongo dokumentu publikotan jasota, eta, beraz, promesa baino ez dira. ESKk argi utzi nahi du lan-baldintzen hobekuntzak langile guztiei aplikatzearen alde egiten duela, eta ez dagoela alde prozesu hori gainditzen dutenei soilik eragitea.

Zer dira eta nola zehaztu dira betetzeko zailak diren plazak?.

Argi dago hainbat arrazoirengatik plaza batzuk modu egonkorrean betetzea zaila dela: lan-kargak, biztanlegune handietatik urrun egotea, ordutegia,… baina EPE honetan dena oso opakoa izan da, eta lanpostuak zehazteko irizpideak sailburuak, bere taldeak eta akordioa sinatu duen mediku sindikatuak baino ez dituzte ezagutzen.
Beste alde batetik, badaude printzipioz betetzea zailak izango ziren beste plaza batzuk, dagoeneko okupatuta daudenak, eta lanpostu horietan dauden langileek ez dute inolako lan-hobekuntzarik izango.

Hori gutxi balitz, ezin da onartu Lehen Mailako Arreta osatzen duten gainerako kategorietan nekez bete daitezkeen lanpostuak identifikatu eta deitu ez izana.

ESKren ustez, nekez bete daitekeen EPE hori etengabeko diskriminazio-iturria da, eta ez da onargarria.

Nondik datoz inskribatutako pertsonak?

Hasieran harritu gintuen 824 profesionalek eman zutela izena 143 plazatarako. Datu hori positiboa izan badaiteke ere, datu hauek pixka bat aztertzean, ikusi dugu izena eman duten 824 pertsonetatik 120 baino ez direla Osakidetza kanpokoak. Honek bi ondorio garrantzitsu ateratzera eramaten gaitu: deialdi honek Osakidetzatik kanpoko profesional gutxi erakarri du, eta litekeena da betetzeko zailak diren 143 plazak betetzen direnean beste horrenbeste plaza hutsik geratzea pertsona horietatik datozen zerbitzuetan. Beste behin eta logikoa den bezala, postu hauetara aurkeztu direnak behin-behineko lanpostuetan prekarioan zeuden profesionalak dira, ustezko lan-hobekuntzek erakarrita.

Ez al da izango orduan lan-baldintzen hobekuntzak profesional hauek agertzea eragiten duena? ESKn argi daukagu langileen baldintzak hobetzen direnean, ihes egitea saihesteaz gain, lortzen dela osasun pribatura eta beste leku batzuetara joandako profesionalek etorri nahi izatea.

Gainera, oso gardentasun gutxirekin sinatutako EPEa izan da, ez baitira ezagutzen ez eskaini beharreko plazak identifikatzeko irizpideak ez ustezko lan-hobekuntza horiek.

ESK ezin da ados egon EPE partzial, diskriminatzaile eta opaku honekin. Baldintzak hobetzea, bai, baina kategoria guztientzat eta langile guztientzat.

BORROKA DA BIDE BAKARRA