Osasun ituna oxigeno-baloi handia izan da Osasun Saila aurpegia garbitzen saia dadin.

Iazko urriaren amaieran, ESK-k oso balorazio negatiboa egin zuen osasun ituneko mahaiaren funtzionamendu opako eta antidemokratikoari buruz. Izan ere, mahai horrek proposatzen zuen diagnostikoarekin bat ez etortzeagatik kanporatuak izan ginen. Gainera Mahai horrek kanpoan uzten zituen osasun publikoaren defendatzaile irmoak diren hainbat gizarte-erakunde, hala nola Pentsiodunen Mugimendua edo OPAk, Osasun Publikoaren defentsan interes zalantzagarria zuten agenteak, Confebask kasu, barruan mantenduz.

Orain, 8 hilabete geroago, mahaian dauden hainbat eragile ezkertiar gure ondorio berera iristen direla ikusten dugu; hilabete horiek Osakidetzan ezarri behar diren benetako soluzioak dilatatzeko baino ez dute balio izan, eta hilabete horiek euskal gizartea desmobilizatzeko baino ez dute balio izan, bere Osasun Publikoaren defentsan; hilabeteak oxigeno-baloi handia izan dira Osasun Saila aurpegia garbitzen saia dadin.

ESKrentzat bada garaia estrategia mobilizatzaileak adostera zuzendutako elkarlanarekin hasteko, Eusko Jaurlaritza eta Osasun Saila %100 publikoa, indartsua, kalitatezkoa eta herritarren osasun beharrei erantzuna emango dien Osasun Sistema bat bermatzera behartuko dituena.