ESK-tik Bilboko koordinazio-zentroko aparkalekuan eragiten ari diren obrek langileongan sortu duten egoera salatzen dugu.

Irailaren 18an SOS-Deiaken bidez jakinarazi zitzaion Emergentziak Bizkaiko koordinazio-zentroko bideko obrak 5 eta 6 hilabete artean luzatuko direla. Horrek esan nahi du denbora horretan langileak alternatiba argirik gabe geratzen direla aparkatzeko orduan, eta horrek zuzenean oztopatzen du lanposturako sarbide normala.

Langileek eurek helarazi digute egoera hau, eta horren aurrean Emergentziak-eko Zuzendaritzari informazioa eskatu diogu. Honek, ordea, aparkalekua “banakako” arazoa dela adierazi du, akordioetan jasota ez dagoela argudiatuz. Argitu nahi dugu: enpresak badauka betebeharra lanposturako sarbide seguru eta duinak bermatzeko. Aparkaleku-plazen galerak lan-baldintzen aldaketa nabarmena dakar, eta gainera, langileek ezin dute lanpostua utzi zigor arrisku baten beldurrez.

Irailaren 18an bertan eskatu zitzaion Udalari aparkaleku alternatibo bat gaitzea, baina gaur egun arte ez da inolako konponbiderik eskaini. Badirudi irailaren 30ean bilera egingo dela eta aukera batzuk planteatuko direla, baina bitartean langileak guztiz babesgabe daude.

ESK-tik argi eskatzen diogu bai Osakidetzari, baita Udalari ere berehala jar dezatela martxan aparkaleku behin-behineko bat obrek irauten duten bitartean. Langileen eskubidea da lanpostura baldintza duin eta seguruetan heltzea, eta ez dugu onartuko enpresak ardura saihesten jarraitzea.