ESKtik salatu nahi dugu zerbitzuko langileak jasaten ari garen fiskalizazioa lanaldiaren luzapenak justifikatzeko orduan.

Eredu-aldaketa aprobetxatzen ari dira sistematikoki azalpen zehatzak eskatzeko, zentzurik gabeak, gure profesionaltasuna eta konpromisoa etengabe zalantzan jarriz.

Horrek presio gehigarri bat jartzen du gure gain, justifikatu egin behar dira egindako aktuazioak, egoera bakoitzeko igarotako denborak, gasolina hornitzeko geldialdiak, txostenak egiteko edo materiala birjartzeko erabilitako denbora. Emergentziak bezalako erbitzu batean egiten dugun lana aurreikusi ezin dela eta bere konplexutasuna onartu beharrean, gure profesionaltasuna zalantzan jartzen duen eta etengabeko mesfidantza-giroa sortzen duen kontrol-eredu baten alde egiten da.

Gainera, luzapen berriaren instrukzio teknikoan, 2025eko apirilaren 14an bidalitakoan, ez da inola ere zehazten xehetasun horiek guztiak gehitu behar ditugunik. Aktuazio zenbakia eta zeinanbulantziatan gauden adierazteko bakarrik jartzen du.

ESK-k honako hau eskatzen du:

• Langileen lanarekiko errespetua, zailtasunak zailtasun, egunez egun zerbitzuari eusten baitiote.
• Lanaldia erregistratzeko eredua ez susmotik abiatzea, baizik eta konfiantzatik eta egindako ahaleginaren aitorpenetik.

Utzi zerbitzuko langileak kriminalizatzeari.

Gure ustez, zerbitzuaren barruan beste arazo garrantzitsuago batzuei arreta handiagoa eskaini beharko litzaieke, eta ESKtik arazo horietan jartzen jarraituko dugu arreta.