ESK-rentzat, pandemia hau hasi zenetik, ahalik eta langile eramaile gehien detektatzea da, asintomatikoak izan ala ez, oinarrizko helburuetako bat. Horretarako, ezinbestekoa da ahalik eta proba fidagarrienak egitea.

Birusa antzemateko hainbeste proba ezberdin egoteak plantillan sortzen ari duen nahasmen handiaren aurrean  ESK-k uste du PCR (Polimerasaren kate-erreakzioa) izenez ezagutzen den teknika dela baliagarri eta fidagarriena dela langileen, erabiltzaileen eta senideen babesa bermatzeko, azkarra baita espezifikotasun eta sentsibilitate handikoa ere, eta %84ko egiatasunera hurbiltzen gaitu.

Teknika serologikoak erabiltzen dituzten test azkarrak, pandemiaren hedapena ezagutzeko aukera ematen dute. Beste test mota honi esker jakin ahal izango dugu nork pasatu duen gaixotasuna eta immunitate-maila pertsonala eta kolektiboa; izan ere, gaixotasunaren aurkako antigorputzak sortu diren definitzen du, baina ez ditu ondo bereizten gaixotasuna pasatu duten pertsonak eta eramaile asintomatikoak.

Datu hauen aurrean, ESK-k langile guztiei PCR testa berehala egin diezaiela exijitzen du, kontratetako langileak barne, hala nola garbiketa eta osasun-garraioko langileak, horrela zehaztu ahal izango baita nor den birusaren eramailea eta transmisore potentziala.

ESK-k, gainera, proba hori test serologikoekin osatzeko exijitzen du, horiek zehaztuko baitute immunitate pertsonalaren eta kolektiboaren maila. Proba hauek egiten dituzten langileen datuen konfidentzialtasuna zorrotz errespetatuz.