Duela 20 urte baino gehiago, Osakidetzak, ustez puntualak ziren asistentzia-eskaerei aurre egiteko, Autokontzertazio eredua ezarri zuen. Eredu horrek pertsona batzuen poltsikoak betetzeko bakarrik balio izan du, eta Osakidetzako langile-gabezia estrukturala betikotu du; normala, lehendik daudenak lan gehiago egiten dezaten ordaintzen badut, zertarako gehiago kontratatu?.
Hala ere, eredu honek langileak agortzen amaitu du, eta egunerokotasunean behin berriz beren lan-kargak handitu egiten direla ikusten dute, lan-baldintzak okerragotu egiten direla eta beren bizitza pertsonala, familiakoa eta lanekoa uztartu ezin dituztela.
Hondamendi horren erakusgarri, ESK bezalako sindikatuok urteak daramatzagu salatzen Lehen Arretan, Emergentzia erakundean eta EAGetan gertatzen dena eta uda iristean larriagotzen dena; pertsonal falta kronikoa (orain arte batez ere fakultatiboa, baina emaginak eta erizainak gero eta gehiago) kategoria guztietako lan kargak neurriz kanpo handitzea, administrazio alorren saturazioa eta abar.
Egoera honi gehitu behar zaio emaginek gure osasun-zentroetan eta ospitaleetan izango duten kaosa: lanaldiaren luzapenak, agenden saturazioa, estaldurarik eza, etab.
Egoera hauek,azken batean,arriskuan jartzen dute herritarren osasuna;EAJ-PSE hitzarmen programatikoan jasotzen den bezala, herritarrek merezi dute “Euskadiko osasun publikoa, unibertsala, dimentsionatua eta kalitate gorenekoa”, bi alderdiek urte hauetan guztietan desegiten jardun direna hain zuzen ere.
ESK-k kudeaketa errotik aldatzea exijitzen du Osakidetzan. Aldaketa horrek benetan zentroan jarri behar ditu langileak eta erabiltzaileak, eta Giza Baliabideen plan bat izan behar du, plantillaren egiturazko beharren azterketa serio eta zehatza eta birdimentsionamendu egokia egiteko, Osakidetzako langileen arrisku psikosozialen azterketa baten bidez eta plantillaren benetako gehikuntza dakarren lan-kargen azterketa baten bidez.
Era berean, ESK-k Osakidetzari exijitzen dio behingoz ireki ditzala negoziazio prozesu erreal eta gardena Osakidetzan ordezkaritza duten sindikatuekin,Osakidetzako langile guztien eskubideak hobetuko dituzten akordioetara iristeko.
Autokontzertazioa ez da konpobidea!
Ametsak borrokatuz!