Arrazoiak soberan daude grebara ateratzeko. Horregatik, ESK-tik jakinarazi nahi dizuegu egun horietan gu ere grebara aterako garela, eta plantilla osoa greban parte hartzera animatu nahi dugu.

« Garaia da kalera atera eta Osakidetzako Zuzendaritzari eta Alberto Martínez sailburuari  besoa bihurrarazteko  »

 

Joan den uztailean, mahai sektorialaren azken bilera zela eta, ESKtik ohar informatibo bat kaleratu genuen sindikatu guztiei eta langile guztiei zuzenduta. Bertan jakinarazi genuen parte hartuko genuela 17 urte igaro ondoren gure hitzarmen kolektiboa berritzea eta gure lan-baldintzak hobetzea helburu duen edozein mobilizazio-prozesutan.

Osakidetzan azkenaldian gertatutakoek erakusten dute negoziazio kolektiboa ezertarako ez dela balio, baldin eta plantillen aldeko indar-korrelazioa lortzeko borroka-prozesurik ez badago. ESKtik uste dugu une erabakigarrian gaudela, behingoz kalera atera eta Osakidetzako Zuzendaritzari eta Alberto Martínez sailburuari besoa bihurrarazteko.

 

Grebarako arrazoiak

Denon eskubideen defentsan arituko den zatiketarik gabeko negoziazio kolektiboaren eredu baten aldeko borrokak, bat egin behar du plantillaren lan-baldintzak hobetzeko borrokarekin: duela 17 urte baino gehiago iraungita dagoen lan-baldintzen akordioa eguneratzea, galdutako erosahalmena berreskuratzea, behin-behinekotasunarekin amaitzea, pribatizazioei amaiera ematea eta osasun publiko sendo baten alde egitea, Lehen Mailako Arreta indartuz eta autonomia emanez.

Horregatik guztiagatik, eta nahiz eta deialdi bateraturako ez gaituzten kontuan hartu, ESK kalean izango da urriaren 30ean eta abenduaren 9an, 10ean, 11n eta 14an.

 

Indarrak batzeko ordua da

Deialdi bateratuan parte hartzea gustatuko litzaiguke, eta horrek Osakidetzaren aurrean batasun irudia indartuko zukeen eta iragarritako egutegiaren alternatibak proposatzeko aukera emango zigun, baina intersindikal hau osatzen duten sindikatuek, SATSE, ELA, LAB, UGT eta CCOO, gu kanpoan uztea erabaki dute. ESK-k uste du erabaki horrek ez diola mesederik egiten langileen borrokari, eta Alberto Martinez kontseilariak garatutako “zatitu eta irabazi” estrategia indartzen du. Beraz, gure ahaleginak eginten ari gara erabakia berriz azter dezaten.

Uste dugu indarrak batzeko eta langileen interesak sindikatuen interesen gainetik jartzeko unea dela. Ez dugu ulertzen, ezta partekatzen ere, mobilizazio-ziklo honetarako ESK bezalako sindikatu bat kontuan ez hartzea. Izan ere, ESKk historikoki parte hartu du lan-baldintzen aldeko mobilizazio guztietan, eta presentzia zabala du Osakidetzako hainbat eremutan. Uste dugu oraindik badagoela erabaki hori berrikusi eta atzera botatzeko denbora.

Arrazoiak soberan daude grebara ateratzeko. Horregatik, ESKtik jakinarazi nahi dizuegu egun horietan gu ere grebara aterako garela, eta plantilla osoa greban parte hartzera animatu nahi dugu, Osakidetzaren egungo kudeaketa-ereduarekiko dugun ezinegona eta nekea erakusteko.

Borroka da bidea!