ESK-k salatzen du, Emergentziak-Emergentzietako Osakidetzako eta Larrialdietako Garraio Sanitarioaren Sareko (LGSS) profesionalen aurrean, ECMO bidezko lekualdaketetarako proposatutako ereduaren aurrean duen kezka sakona. Konplexutasun handiko terapia da ECMOa, baliabide espezifikoak eskatzen dituena, eta, hala ere, sare arrunteko bitartekoak kentzen ari dira garraio hauek egiteko.

Aurreko eredua perfektua izatetik urrun zegoen arren, lekualdatze-mota horiek anbulantzia propio baten bidez egiten ziren, berariaz horretarako prestatutako erizainekin eta ETEekin. Horiek beren borondatez joaten ziren, lanorduetatik kanpo. Orain, aldiz, bere txanda egiten ari den erizain bati esleitzen zaio, guardian dagoen parke mugikorreko TEE-arekin batera. Bikote hori Gurutzetako Ospitaleko ECMO taldearekin batzen da lekualdaketa egiteko. Eboluzionatzeak ez du nahitaez esan nahi hobera joan behar garenik, eta planteamendu berri honek inboluzio argia dakar, sare-baliabide bat uzten baitugu piezetako bat gabe.

Inprobisazio horren ondorioak nabarmenak dira:

• Jatorrizko baliabidea esku-hartze azkarreko ibilgailu (EAI) bihurtzen da medikua eta TEEarekin, eta baliabidea osatu gabe geratzen da pazienteak artatzeko.
• Domino-efektua asistentzian; hori dela eta, zentro koordinatzaileak bigarren baliabide aurreratu bat mobilizatu behar du, erizaina izango duena, sortutako gabezia bete ahal izateko.

Pazienteari laguntza integrala atzeratzen zaio; izan ere, baliabidea zatituta dago eta ezin izango da arreta osoa eman laguntza-talde osoa iritsi arte.

Horregatik, ECMO lekualdatzeei buruz ari garenean, ez gara Osakidetzaren barne-arazo bati buruz soilik ari, baizik eta LGSS osoari eta bertan lan egiten duten pertsona guztiei eragiten dien prozedura bati buruz. Azpikontratatutako enpresak laguntza-sare horretako kide dira, eta bertako profesionalek ere jasaten dituzte zerbitzua antolatzeko modu horren ondorioak.

ECMOak erantzun espezifikoa behar du, eta lekualdatze horiek egin behar direnez, ECMOan dagoen pazientearentzat segurtasunez egiteko baliabide egokiak eduki behar dira, baina ezin gara ahaztu  gainerako biztanleez, ezin dira arriskuan jarri.

ESKk defendatzen du:

• ECMO lekualdaketetarako berariazko eta behar bezala dimentsionatutako dispositiboa edukitzea, langile kualifikatuekin eta baliabide propioekin, larrialdietako sare arruntetik baliabiderik kendu gabe.
• Sare osoaren asistentzia-estaldura bermatzea, ECMO lekualdatzeek baliabideen eskuragarritasuna murriztu gabe, erantzun-denborak handitu gabe edo gainerako unitate eta profesionalak kargatu gabe.
• Inplikatutako profesionalentzako lan-baldintza egokiak, dotazio nahikoarekin eta lanaldiaren, atsedenen eta konpentsazioen erregulazio argiarekin, segurtasuna eta asistentziaren kalitatea arriskuan jarriko duten gainkargak eta mobilizazioak saihestuz.
• Ereduaren plangintza eta ebaluazio gardena, pazienteen eta profesionalen segurtasunari eta asistentzia-kalitateari lehentasuna emango diona. Edozein antolamendu-aldaketa, profesionalekin eta ordezkari sindikalekin komunikatu, negoziatu eta ebaluatuko duen eredua.

ESK-k herritar guztientzako baliabide duinak eta larrialdi-zerbitzu segurua defendatzen jarraituko du.