Joan den asteartean, Gotzone Sagardui Osasun Sailburuak kolpe berri bat eman zion Lehen Arreta hebainduari, eta adierazi zuen Osakidetzak atzeratu egingo dituela “premia berezirik ez duten” kontsultak.

Praktikan, horrek esan nahi du patologia kronikoak dituzten milaka pertsonak (diabetikoak, hipertentsioak, BGBK edo bihotz-gutxiegitasun kronikoa duten pertsonak, adibide batzuk jartzearren), beste behin ere, osasunerako eskubidea mugatuta ikusiko dutela.

ESKk azpimarratu nahi du egoera honek ez gaituela oharkabean harrapatzen; txertaketa-guneak urriaren 1ean itxi zituztenean, sindikatu honek Osakidetzaren politiken ausarkeria salatu zuen, 4.000 langile baino gehiago kaleratzea ekarri baitzuen. Lehen Arreta babesten eta indartzen beren zerbitzuak ematen jarraitu beharko luketen 4000 langile.

Lehen Arreta oso murriztuta eta gutxietsita dago, ez bakarrik pandemiaren ondorioz, baizik eta gure kudeatzaile politikoen erabakien ondorioz, urteetan zehar gutxietsi eta mespretxatu egin baitute. Noraino eta profesionalek, Lehen Arreta Arnasberritzen plataformaren bidez, eta ESKk lagunduta eta bultzatuta, duela bi urte baino gehiago mobilizazio eta grebak deitu zituzten arte.

ESK sindikatutik onartezina ikusten dugu Osakidetzaren erabaki hau. Erabaki honek osasun desberdintasunak areagotzea eta euskal gizartea aseguru pribatu bat ordaindu ahal izango duten eta ezin izango duten pertsonen artean banaketa sustatzea baino ez du lortuko.

Osasun Sailak, Lehen Arreta zigortzen duten neurri horien bidez, osasun pribatuari bakarrik laguntzen dio, errentagarritasun ekonomikoa lortzen baitu sistema publikoaren kalitatearen galeratik.

ESK-k dei egiten die langile eta herritarrei euskal geografia osoan antolatzen ari diren mobilizazio guztietan lagundu eta parte hartzeko, herri honetako bizilagunek merezi duten arreta emateko beharrezkoak diren giza baliabideak eta baliabide materialak dituen Lehen Arretaren alde.